Песков: Россия Карапетянга жардам көрсөтүүгө даяр
17:05 20.06.2025 (Жаңыртылды: 17:12 26.06.2025)
© Sputnik / Asatur Yesayants
Жазылуу
БИШКЕК, 20-июн. — Sputnik. Москва Ереванда камакка алынган ишкер Самвел Карапетянга жардам берүүгө даяр. Бул тууралуу РФ президентинин маалымат катчысы Дмитрий Песков билдиргенин РИА Новости жазды.
“Эгер зарыл болсо Россия Самвел Карапетянга бардык зарыл жардамды көрсөтүүгө даяр”, — деди ал ПЭЭФтин алкагында.
Кремлдин маалымат катчысы бийлик анын ишине байкоо салып жатканын, бирок Армениянын ички иштерине кийлигишүүнү каалабай турганын кошумчалады.
Арменияда Карапетянды куугунтуктоо
Самвел Карапетян - россиялык ишкер, "Ташир" компаниялар тобунун жетекчиси.
Ал армян апостолдук чиркөөсүнө өлкө бийлиги тарабынан кол салуулар болуп жаткан маалда аны колдоп чыккан.
Шейшембиде, 17-июнда, Армениянын Ички иштер министрлиги Еревандагы Карапетяндын үйүнүн жанында ыкчам иш-чаралар жүргүзүлүп жатканын билдирди.
Ал жерде анын тарапташтары жана үй-бүлө мүчөлөрү чогулуп, 50дөн ашуун адам кармалган.
Ишкер үйдөн өзү чыгып, полициянын унаасы менен кеткен.
Дүйшөмбү күнү эртең менен маалымат каражаттары “Ташир” компаниялар тобунун жетекчиси Армениянын Тергөө комитетине өткөрүлүп, ага кылмыш иши козголгонун жазып чыгышкан.
Шаршембиде Ереван соту Карапетянды эки айга камакка алды.
Бизнесмендин адвокаты Арменияда бийликти кулатууга чакырган деген айыпты абсурд деп эсептейт.
Карапетяндын кеңсесинин маалымат кызматы жарандык позицияны системага коркунуч катары көрсөтүү аракеттери каршы пикирди басууга багытталганын белгиледи.
Пашинян ошондой эле Карапетянга тиешелүү "Армениянын электр тармактары" ишканасын улутташтырууну талап кылды.
Тышкы иштер министрлигинин расмий өкүлү Мария Захарова Арменияда камакка алынган РФ жарандыгын алган ишкерге Москва керектүү жардам көрсөтөрүн билдирди.
