https://sputnik.kg/20250514/rosatom-bishkekke-rakty-algachky-stadiyada-anyktagan-apparat-berdi-1093966670.html
"Росатом" Бишкекке ракты алгачкы стадияда аныктаган аппарат алып келди
"Росатом" Бишкекке ракты алгачкы стадияда аныктаган аппарат алып келди
Sputnik Кыргызстан
БИШКЕК, 14-май — Sputnik. "Росатом" мамлекеттик корпорациясы Кыргызстанга технеций-99m генераторун алып келди. 14.05.2025, Sputnik Кыргызстан
2025-05-14T15:16+0600
2025-05-14T15:16+0600
2025-05-14T15:16+0600
кыргызстан
россия
өзөктүк медицина
кызматташуу
росатом
https://sputnik.kg/img/07e9/05/0e/1093962498_0:63:1199:737_1920x0_80_0_0_bfea9bde68fac8b49f16ff847255c83c.jpg
БИШКЕК, 14-май — Sputnik. "Росатом" мамлекеттик корпорациясы Кыргызстанга технеций-99m генераторун алып келди. Бүткүл аймактык "Изотоп" биримдиги Бишкектеги Онкология жана гематология боюнча улуттук борборго радиофармацевтикалык продукцияларды маал-маалы менен жеткирип турмакчы. Аппарат МАГАТЭнин техникалык кызматташуу боюнча "Кыргызстанда өзөктүк медицинаны калыбына келтирүү" деп аталган улуттук долбоорунун жана "Лучи надежды" агенттигинин программасынын алкагында берилүүдө. ГТ-5К түрүндөгү технеций-99m генераторлору өзөктүк медицинада эң көп талап кылынган радионуклиддердин бири болгон технеций-99 изомерин алуу мүмкүнчүлүгүн берет. Бул техника онкологиялык, кардиологиялык, нейроэндокриндик жана башка ооруларды аныктоо үчүн колдонулуучу бир фотондук эмиссиялык компьютердик томографиянын (ОФЭКТ) диагностикалык процедураларынын 80 пайызында колдонулат. ОФЭКТ ыкмасы без калканын, жүрөктү, жүлүндү, өпкөнү, бөйрөктөрдү, ашказан, ичеги системаларын көрүүгө, метастаза жана башка патологиялык өзгөрүүлөрдү башталышында байкоого жардам берет. Бул дартты эрте аныктоого, дарылоонун майнаптуулугун арттырууга жана бейтаптардын айыгып кетишине жакшы көмөкчү болот. Бул технология менен жыл сайын дарт аныктоо иштери көп жүргүзүлүп, ал дарыгерлерге бейтаптардын органдары, ткандары кандай экенин карап, жыйынтык чыгарууга мүмкүнчүлүк берет. "Аталган кызматташуу республикада өзөктүк медицинаны өнүктүрүүдөгү жана ден соолук боюнча улуттук системадагы маанилүү кадамдардан болуп калмакчы. Россия менен Кыргызстандын бул багыттагы кызматташуусунун алдыга жылышына таасирин тийгизет", — деген Онкология жана гематология боюнча улуттук борбордогу өзөктүк медицина бөлүмүнүн жетекчиси Гүлнара Рыспаева. Өзөктүк медицина — дартты так аныктоо жана дарылоодо радиофармацевтикалык препараттар пайдаланылган медициналык радиологиянын бир бөлүгү. Медициналык радиологияга дартты аныктоодо (ультраүндүү изилдөө, компьютердик томография жана башка), операция же дарылоону калыпка салууда колдонула турган нурлануунун дээрлик бардык түрлөрү кирет.
https://sputnik.kg/20231204/rakty-daryloogo-rosatomdun-zhardamy-tuuraluu-1080962533.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, россия, өзөктүк медицина, кызматташуу, росатом
кыргызстан, россия, өзөктүк медицина, кызматташуу, росатом
БИШКЕК, 14-май — Sputnik. "Росатом" мамлекеттик корпорациясы Кыргызстанга технеций-99m генераторун алып келди.
Бүткүл аймактык "Изотоп" биримдиги Бишкектеги Онкология жана гематология боюнча улуттук борборго радиофармацевтикалык продукцияларды маал-маалы менен жеткирип турмакчы.
Аппарат МАГАТЭнин техникалык кызматташуу боюнча "Кыргызстанда өзөктүк медицинаны калыбына келтирүү" деп аталган улуттук долбоорунун жана "Лучи надежды" агенттигинин программасынын алкагында берилүүдө.
ГТ-5К түрүндөгү технеций-99m генераторлору өзөктүк медицинада эң көп талап кылынган радионуклиддердин бири болгон технеций-99 изомерин алуу мүмкүнчүлүгүн берет. Бул техника онкологиялык, кардиологиялык, нейроэндокриндик жана башка ооруларды аныктоо үчүн колдонулуучу бир фотондук эмиссиялык компьютердик томографиянын (ОФЭКТ) диагностикалык процедураларынын 80 пайызында колдонулат.
ОФЭКТ ыкмасы без калканын, жүрөктү, жүлүндү, өпкөнү, бөйрөктөрдү, ашказан, ичеги системаларын көрүүгө, метастаза жана башка патологиялык өзгөрүүлөрдү башталышында байкоого жардам берет. Бул дартты эрте аныктоого, дарылоонун майнаптуулугун арттырууга жана бейтаптардын айыгып кетишине жакшы көмөкчү болот.
"Кыргызстан менен кызматташуу өзөктүк медицина жаатында заманбап технологиянын жеткиликтүү болушуна, ар кыл ооруларды өз учурунда аныктоого бир нече кадам жакындатат. Биргелешкен аракеттер менен ноокастардын жашоосун жакшыртып, онкологиялык оорулардан каза тапкандардын санын кыскартуу мүмкүнчүлүгү болот", — деген "Изотоптун" башкы директору Максим Кушнарев.
Бул технология менен жыл сайын дарт аныктоо иштери көп жүргүзүлүп, ал дарыгерлерге бейтаптардын органдары, ткандары кандай экенин карап, жыйынтык чыгарууга мүмкүнчүлүк берет.
"Аталган кызматташуу республикада өзөктүк медицинаны өнүктүрүүдөгү жана ден соолук боюнча улуттук системадагы маанилүү кадамдардан болуп калмакчы. Россия менен Кыргызстандын бул багыттагы кызматташуусунун алдыга жылышына таасирин тийгизет", — деген Онкология жана гематология боюнча улуттук борбордогу өзөктүк медицина бөлүмүнүн жетекчиси Гүлнара Рыспаева.
Өзөктүк медицина — дартты так аныктоо жана дарылоодо радиофармацевтикалык препараттар пайдаланылган медициналык радиологиянын бир бөлүгү. Медициналык радиологияга дартты аныктоодо (ультраүндүү изилдөө, компьютердик томография жана башка), операция же дарылоону калыпка салууда колдонула турган нурлануунун дээрлик бардык түрлөрү кирет.
