Россия НАТОнун аракетинен улам Арктикадагы аскеринин санын көбөйтөт
15:15 28.03.2025 (Жаңыртылды: 15:30 28.03.2025)
© Sputnik / Павел Львов
/ Жазылуу
БИШКЕК, 28-мар. — Sputnik. Россия НАТОнун аракетинен улам Арктикадагы аскеринин санын көбөйтөт. Бул тууралуу РФ лидери Владимир Путин Мурманскиде өткөн "Арктика — диалог аймагы" аталышындагы форумда билдирди.
Өлкө башчы төмөнкү учурларга токтолду:
Арктикада пайдалуу кен, анын ичинде сейрек кездешүүчү металлдарды казууну өнүктүрүү зарыл;
НАТО мамлекеттери Арктиканы чыр-чатактын плацдармы катары кароодо, мында уюмга жаңы кошулган Швеция менен Финляндия өтө активдүү болуп жатат;
Россия дүйнөдөгү эң ири муз жаруучу флотко ээлик кылат, позициябызды күчөтүп, жаңыларын, өзгөчө өзөктүк муз жаргычтарды куруу кажет;
Трамптын Гренландия боюнча билдирүүлөрүн акылга сыйбайт дебеш керек, болгону Арктикада геосаясий күрөш курчуду;
Россия Арктикада Батыштын кызыгуу жараткан мамлекеттери менен иштешүүгө даяр;
Россиянын Арктикадагы милдети, аракети ондогон жылдарга, керек болсо кылымдар бою кызмат кыла турган тарыхый масштабда болушу керек.
