https://sputnik.kg/20241014/deputat-zhogorku-kenesh-syn-ministr-zhoop-berdi-1089456252.html
Министр Алымкадыр Бейшеналиев депутаттын сынына жооп кайтарды
Министр Алымкадыр Бейшеналиев депутаттын сынына жооп кайтарды
Sputnik Кыргызстан
Алымкадыр Бейшеналиев депутаттар менен ооруканаларды кыдырып чыгууга даяр экенин билдирди. 14.10.2024, Sputnik Кыргызстан
2024-10-14T14:41+0600
2024-10-14T14:41+0600
2024-10-14T14:41+0600
кыргызстан
саламаттык сактоо
депутат
министр
алымкадыр бейшеналиев
балбак түлөбаев
видео
https://sputnik.kg/img/07e6/05/1b/1064747484_0:0:999:562_1920x0_80_0_0_b8db2946e3757b3cd230d437aaef552c.jpg
БИШКЕК, 14-окт. — Sputnik. Жогорку Кеңештин депутаты Балбак Түлөбаев саламаттык сактоо министри Алымкадыр Бейшеналиев менен министрлер кабинетинин төрагасынын орун басары Эдил Байсаловдун чет өлкөгө жасаган сапарларын сынга алды.Анын айтымында, социалдык блок реформаларга муктаж. Коронавирус пандемиясы учурунда пайда болгон көйгөйлөр эмдигиче чечиле элек.Ал эми Алымкадыр Бейшеналиев чет мамлекеттерге президенттин тапшырмасы менен маанилүү иш-чараларга барып жатканын, пандемиядан бери саламаттык сактоо тармагында бир топ өзгөрүүлөр болгонун айтты. Министр аткарылган иштер боюнча депутаттар үчүн аймактарды кыдырып атайын тур уюштурса болорун белгиледи.Ал белгилегендей, клиникаларда медициналык жабдуулар да жаңыланып жатат."Депутаттар кааласа райондордогу ооруканаларга атайын тур уюштурам. Төрт жылда эмне жасалганын көрсөтүүгө даярмын. Кыргызстанда бюджеттин эсебинен 11 оорукана курулуп жатат", — деди министр.
https://sputnik.kg/20241009/kyrgyzstan-nurdan-oruntayev-zhogorku-kenesh-1089331259.html
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, саламаттык сактоо, депутат, министр, алымкадыр бейшеналиев, балбак түлөбаев, видео
кыргызстан, саламаттык сактоо, депутат, министр, алымкадыр бейшеналиев, балбак түлөбаев, видео
Министр Алымкадыр Бейшеналиев депутаттын сынына жооп кайтарды
Алымкадыр Бейшеналиев депутаттар менен ооруканаларды кыдырып чыгууга даяр экенин билдирди.
БИШКЕК, 14-окт. — Sputnik. Жогорку Кеңештин депутаты Балбак Түлөбаев саламаттык сактоо министри Алымкадыр Бейшеналиев менен министрлер кабинетинин төрагасынын орун басары Эдил Байсаловдун чет өлкөгө жасаган сапарларын сынга алды.
Анын айтымында, социалдык блок реформаларга муктаж. Коронавирус пандемиясы учурунда пайда болгон көйгөйлөр эмдигиче чечиле элек.
"Пандемияда кырылып кала жаздадык го. Бишкекте 500 миң кишини бакканбыз. Ошондо мен Кыргызстанда социалдык коргоо тармагы, ооруканалар чөктү, өлдү дедим эле. Ар бир мектепке барып стационар ачканбыз, ИВЛ, концентраторлор жок. Балбак аба, машинемди ал, клексан таап берчи дегендер болгон. Атамды алып калайын деп клексанга Lexus 570 бергендер болгон. Бат эле унуттукпу баарын? Саламаттык сактоо министри облустагы, райондогу ооруканаларды карабай калдыңар. Урматтуу Садыр Нургожоевич, пандемия боюнча окутуу өткөрсөңүз, ошондо кайсы министрлик кандай иштеп жатканын көрөсүз", — деди Балбак Түлөбаев.
Ал эми Алымкадыр Бейшеналиев чет мамлекеттерге президенттин тапшырмасы менен маанилүү иш-чараларга барып жатканын, пандемиядан бери саламаттык сактоо тармагында бир топ өзгөрүүлөр болгонун айтты. Министр аткарылган иштер боюнча депутаттар үчүн аймактарды кыдырып атайын тур уюштурса болорун белгиледи.
"Коронавирустук пандемия маалында пайда болгон көйгөйлөр буга чейин чечилген. Учурда бардык облустарда, райондордо ооруканалар штаттык режимде иштеп, орундар жетиштүү. Жаңы ооруканалар да курулуп жатат. Бүгүн Түп районундагы оорукананы онлайн ачтым. Ысык-Көл облусунда 30 жылдан бери бир дагы оорукана курулган эмес. Учурда Каракол шаарына 350 орундуу медициналык жай куруп жатабыз. Чыгымдар бюджеттин эсебинен каржыланууда", — деди Бейшеналиев.
Ал белгилегендей, клиникаларда медициналык жабдуулар да жаңыланып жатат.
"Депутаттар кааласа райондордогу ооруканаларга атайын тур уюштурам. Төрт жылда эмне жасалганын көрсөтүүгө даярмын. Кыргызстанда бюджеттин эсебинен 11 оорукана курулуп жатат", — деди министр.
9 Тогуздун айы 2024, 12:21
