https://sputnik.kg/20240729/turkiyalyk-ministr-izrail-premerin-gitlerge-salyshtyrdy-1087432831.html
Түркия министри Израиль премьери Нетаньяхуга Гитлердин тагдырын убада кылды
Түркия министри Израиль премьери Нетаньяхуга Гитлердин тагдырын убада кылды
Sputnik Кыргызстан
БИШКЕК, 29-июл. — Sputnik. Газа тилкесиндеги кырдаалга жоопкер Израилдин премьер-министри Биньямин Нетаньяхунун тагдыры нацисттердин лидери Адольф Гитлердикин... 29.07.2024, Sputnik Кыргызстан
2024-07-29T14:18+0600
2024-07-29T14:18+0600
2024-07-29T14:25+0600
дүйнөдө
израиль
түркия
палестина
ливан
режеп тайип эрдоган
биньямин нетаньяху
https://sputnik.kg/img/07e8/07/1d/1087431549_0:0:2970:1671_1920x0_80_0_0_3e85b329d2216a257ced380457037788.jpg
БИШКЕК, 29-июл. — Sputnik. Газа тилкесиндеги кырдаалга жоопкер Израилдин премьер-министри Биньямин Нетаньяхунун тагдыры нацисттердин лидери Адольф Гитлердикин кайталашы мүмкүн. Бул туурасында Түркия ТИМинин жетекчиси X тармагына жазды.Түркиянын тышкы саясат боюнча министрлигинин башчысы Хакан Фидан президент Режеп Тайип Эрдогандын Түркия Израилге Ливия менен Карабахтагыдай кирип барышы мүмкүндүгү боюнча айтканына комментарий жасаган. Ал Эрдоганга "адамзаттын абийиринин үнү" болду деп баа берди.Израиль ТИМинин башчысы Исраэль Кац Эрдоган Саддам Хусейндин жолуна түшүп, Израилге чабуул коюу туурасында айтып коркутуп жатат деп, бирок Ирактын тагдыры кандай болгонун эске алып коюу керектигин айткан.Мындан кийин Израилдин кадамдарын жана Кацтын сөзүн сындап айыптаган Түркиянын кеминде алты министри пост жазды.Эске салсак, Адольф Гитлер 1945-жылы 30-апрелде Берлиндеги бункеринде өзүн-өзү атып өлтүргөн.Анкара Тель-Авивдин Газа тилкесиндеги аракеттерин башынан эле айыптап, палестиналык жарандарды кыргынга учуратканын айтып келет. Ал бир нече жолу атышууну токтотууга чакырып, ошондой эле Израилге кысым көрсөткөн. Тактап айтканда, май айынын башында Түркиянын Соода министрлиги Израиль менен соодасын толук токтоткондугун билдирген. Буга чейин Анкара товарлардын 54 чакан тобунун экспортун чектеген, бирок Израилдин аскерлери Газадагы согушту уланткан.Израиль-Палестина чатагы2023-жылдын 7-октябрында Израиль Газа тилкесинен ракеталык чабуулга кабылган. Андан соң палестиналык ХАМАС кыймылынын согушкерлери чек ара аймактарына кирип келип, аскерлер менен карапайым элге ок чыгарып, 200дөн ашуун адамды барымтага алган. Бийликтердин маалыматы боюнча, 1,2 миңге жакын адам каза болгон.Израилдин коргонуу күчтөрү Газа тилкесинде жарандык буталарга кол салууларды камтыган "Темир кылыч" операциясын баштаган. Израиль анклавды толук блокадага алганын жарыялап, суу, электр энергиясы, күйүүчү май, тамак-аш жана дары-дармек менен камсыздоо токтотулган. Газанын Саламаттык сактоо министрлигинин маалыматы боюнча, 39 миңден ашуун адам каза болуп, 89,8 миңге жакыны жаракат алган.Газа тилкеси эки бөлүккө — түштүк жана түндүккө бөлүнүп калды, ал эми Израиль ХАМАСтын соңку таянычы деп эсептеп, Рафахта согуштук операцияларын жүргүзүүдө.
https://sputnik.kg/20240729/erdogan-turkiya-izrailge-kirishi-mumkun-1087426626.html
израиль
түркия
палестина
ливан
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, израиль, түркия, палестина, ливан, режеп тайип эрдоган, биньямин нетаньяху
дүйнөдө, израиль, түркия, палестина, ливан, режеп тайип эрдоган, биньямин нетаньяху
БИШКЕК, 29-июл. — Sputnik. Газа тилкесиндеги кырдаалга жоопкер Израилдин премьер-министри Биньямин Нетаньяхунун тагдыры нацисттердин лидери Адольф Гитлердикин кайталашы мүмкүн. Бул туурасында Түркия ТИМинин жетекчиси X тармагына жазды.
Түркиянын тышкы саясат боюнча министрлигинин башчысы Хакан Фидан президент Режеп Тайип Эрдогандын Түркия Израилге Ливия менен Карабахтагыдай кирип барышы мүмкүндүгү боюнча айтканына комментарий жасаган. Ал Эрдоганга "адамзаттын абийиринин үнү" болду деп баа берди.
"Эл аралык сионисттик чөйрөлөр, бул үндү басууга биринчи иретте аракет кылган Израиль дүрбөлөң болуп жатат. Геноцид кылган жана аларды колдогондордун тарыхы бирдей аяктайт", — деп жазган министр.
Израиль ТИМинин башчысы Исраэль Кац Эрдоган Саддам Хусейндин жолуна түшүп, Израилге чабуул коюу туурасында айтып коркутуп жатат деп, бирок Ирактын тагдыры кандай болгонун эске алып коюу керектигин айткан.
Мындан кийин Израилдин кадамдарын жана Кацтын сөзүн сындап айыптаган Түркиянын кеминде алты министри пост жазды.
Эске салсак, Адольф Гитлер 1945-жылы 30-апрелде Берлиндеги бункеринде өзүн-өзү атып өлтүргөн.
Анкара Тель-Авивдин Газа тилкесиндеги аракеттерин башынан эле айыптап, палестиналык жарандарды кыргынга учуратканын айтып келет. Ал бир нече жолу атышууну токтотууга чакырып, ошондой эле Израилге кысым көрсөткөн. Тактап айтканда, май айынын башында Түркиянын Соода министрлиги Израиль менен соодасын толук токтоткондугун билдирген. Буга чейин Анкара товарлардын 54 чакан тобунун экспортун чектеген, бирок Израилдин аскерлери Газадагы согушту уланткан.
2023-жылдын 7-октябрында Израиль Газа тилкесинен ракеталык чабуулга кабылган. Андан соң палестиналык ХАМАС кыймылынын согушкерлери чек ара аймактарына кирип келип, аскерлер менен карапайым элге ок чыгарып, 200дөн ашуун адамды барымтага алган. Бийликтердин маалыматы боюнча, 1,2 миңге жакын адам каза болгон.
Израилдин коргонуу күчтөрү Газа тилкесинде жарандык буталарга кол салууларды камтыган "Темир кылыч" операциясын баштаган. Израиль анклавды толук блокадага алганын жарыялап, суу, электр энергиясы, күйүүчү май, тамак-аш жана дары-дармек менен камсыздоо токтотулган. Газанын Саламаттык сактоо министрлигинин маалыматы боюнча, 39 миңден ашуун адам каза болуп, 89,8 миңге жакыны жаракат алган.
Газа тилкеси эки бөлүккө — түштүк жана түндүккө бөлүнүп калды, ал эми Израиль ХАМАСтын соңку таянычы деп эсептеп, Рафахта согуштук операцияларын жүргүзүүдө.
