ЖК төрагасы: БРИКС+ форматына катышуу Кыргызстандын кызыкчылыгына дал келет
18:22 11.07.2024 (Жаңыртылды: 18:23 11.07.2024)
© Фото / пресс-служба Жогорку КенешаСанкт-Петербург шаарында өткөн БРИКСтин X парламенттик форуму
![Санкт-Петербург шаарында өткөн БРИКСтин X парламенттик форуму Санкт-Петербург шаарында өткөн БРИКСтин X парламенттик форуму - Sputnik Кыргызстан, 1920, 11.07.2024](https://sputnik.kg/img/07e8/07/0b/1086926020_0:85:1620:996_1920x0_80_0_0_fee34f669e04e1c82fe894d2c0664296.jpg)
© Фото / пресс-служба Жогорку Кенеша
Жазылуу
Төрага БРИКСтин X парламенттик форумуна катышты.
БИШКЕК, 11-июл. — Sputnik. БРИКС+ форматына катышуу Кыргызстандын улуттук кызыкчылыктарына толугу менен шайкеш келет. Бул тууралуу Жогорку Кеңештин төрагасы Нурланбек Шакиев билдирди.
Ал Санкт-Петербург шаарында өткөн БРИКСтин X парламенттик форумуна катышты. Иш-чарага жалпысынан 16 өлкөнүн өкүлдөрү келген.
© Фото / пресс-служба Жогорку КенешаЖогорку Кеңештин төрагасы Нурланбек Шакиев
![Х Парламентский форум БРИКС в Санкт-Петербурге Х Парламентский форум БРИКС в Санкт-Петербурге - Sputnik Кыргызстан, 1920, 11.07.2024](https://sputnik.kg/img/07e8/07/0b/1086925998_0:0:1620:1080_1920x0_80_0_0_a70f4c85ab73536c1b476b4e6e4f56dc.jpg)
Жогорку Кеңештин төрагасы Нурланбек Шакиев
© Фото / пресс-служба Жогорку Кенеша
"БРИКС глобалдык маселелерди чечүүгө умтулган, көп полярдуу дүйнө идеясы менен пайдалуу кызматташтыкты илгерилетүү максатын көздөгөн уюм катары белгилүү. Андыктан БРИКС+ форматына катышуу Кыргызстандын улуттук кызыкчылыктарына толугу менен шайкеш келет. Биз кызматташтыкты мындан ары да арттырууга, көптөгөн тармактар боюнча биргелешкен долбоорлорду ишке ашырууга кызыкдарбыз", — деди төрага.
Ал ошондой эле парламенттик институттар дүйнөнүн көпчүлүк өлкөлөрүндө, анын ичинде Кыргызстанда элдин кызыкчылыгын коргогон мыйзамдарды кабыл алып, алардын аткарылышын көзөмөлдөгөн негизги мамлекеттик орган экенин белгиледи.