Жаңылыктар. Чыгарылыш 15:00

Жаңылыктар. Чыгарылыш 15:00
Жазылуу
Улуттук статистика комитетинин быйылкы жылдын биринчи кварталына берген маалыматы боюнча, Кыргызстанда 88 соода борбору иштейт. Ага ылайык, бул соода борборлорунда жалпысынан 7 994 соода жайы бар. Алардын жарымынан көбү Бишкекте экени айтылды. Ош менен Жалал-Абад облустарында 11ден соода борбору бар. Таласта эки гана соода үйү бар экени айтылды. Акыркы жылдары өлкөдө соода-көңүл ачуучу борборлордун саны өсүүдө. Мисалы, 2023-жылы алардын саны 72ден 82ге көбөйгөн.
2024-2025-окуу жылына Кыргызстандын жогорку окуу жайларында чет өлкөлөрдө жашаган этникалык кыргыздарды окутуу үчүн 75 квота бөлүндү. Бул тууралуу Билим берүү жана илим министрлигинен билдиришти. Маалыматка ылайык, квота алуу үчүн сынакка Казакстан, Кытай, Өзбекстан, Тажикстан, Түркия жана Пакистандын жарандары катыша алышат. Сынактык тандоого катышуу үчүн талапкерлер министрликтин онлайн системасына катталып, бардык керектүү документтерди жүктөшү керек. Ошондой эле 21-июлга чейин милдеттүү болгон категорияларды толтуруу зарыл. "Компьютердик тестирлөө жана аңгемелешүү 22-июлдан 25-июлга чейин өткөрүлөт", - деп айтылат маалыматта.
Экономика жана коммерция министрлигинин техникалык жөнгө салуу боюнча координациялык бөлүмүнүн жетектөөчү адиси Айгүл Кангелдиева ЕАЭБде азык-түлүктү маркалоо боюнча маанилүү чечим кабыл алынганын айтты.Евразия экономикалык комиссиясынын кеңеши "Тамак-аш коопсуздугу жөнүндө" жана "Тамак-аш азыктарын маркалоого байланыштуу" техникалык регламентке өзгөртүүлөрдү киргиздиАнын айтымында, мындан ары өндүрүүчүнүн же импорттоочунун реквизиттери өзгөргөн учурда азык-түлүк товарларынын маркаланышы өзгөртүлбөстөн сатыла берет.Ал техникалык регламенттер ЕЭК кеңешинин чечими расмий жарыялангандан 180 күндөн кийин күчүнө кирерин кошумчалады.
Билим берүү жана илим министрлиги “Акылман” президенттик лицейине кабыл алуунун жаңы талаптары тууралуу айтып берди. Билим жайына кабыл алуу конкурстук негизде жүргүзүлүп, мектепте 6-8-класста “жакшы” жана “эң жакшы” баага окуган окуучулар катыша алат. Тандоонун жыйынтыгында лицейге 6-класстар арасында эң жогорку балл алган 72 окуучу, 8-класстардын ичинен 48 окуучу кабыл алынат. Сынактын алкагындагы тестирлөөлөр 11-майда башталып жалпы үч тур менен өткөрүлөт. Маалымат алуу үчүн Telegram тиркемесиндеги “Акылман” кабыл алуу-2024” тобуна кошулуу керек же Билим берүү министрлигинин сайтына баш багуу зарыл.
Россиянын Ички иштер министрлиги Зеленский менен Порошенкону издөөгө алды. Бул тууралуу мекеменин базасынан белгилүү болгонун РИА Новости жазды. Анда издөө салынган адамдын туулган жери да көрсөтүлүп, Украинанын Днепропетровск облусунун Кривой Рог шаары деп турат.Мындан тышкары, Украинанын Куралдуу күчтөрүнүн кургактагы аскерлеринин командачысы Александр Павлюк издөөгө алынган. Зеленский, Порошенко жана Павлюк изделип жаткан беренелер айтыла элек. Май айында Ички иштер министрлиги бир нече украиналык саясий ишмерлерди издөөгө алган: Алардын катарында Украинанын Улуттук коопсуздук жана коргонуу кеңешинин катчысы Александр Литвиненко; Украинанын мурдагы юстиция министри Павел Петренко; Украинанын Коопсуздук кызматынын мурдагы башчысы Валентин Налывайченко; Украинанын мурдагы каржы министри Александр Шлапак; Украинанын Улуттук банкынын мурдагы башчысы Степан Кубив бар.
Жаңылыктар түрмөгү
0