https://sputnik.kg/20240113/nyu-jorkto-palestina-jemendi-koldoo-akcziyasy-1081904038.html
Нью-Йоркто Палестина менен Йеменди колдоо акциясы өтүп жатат
Нью-Йоркто Палестина менен Йеменди колдоо акциясы өтүп жатат
Sputnik Кыргызстан
Нааразычылыкка чыккандар БУУнун имаратына барышкан. 13.01.2024, Sputnik Кыргызстан
2024-01-13T12:15+0600
2024-01-13T12:15+0600
2024-01-14T12:38+0600
нью-йорк
палестина
йемен
акция
нааразычылык
бомбалоо
https://sputnik.kg/img/07e8/01/0d/1081904017_0:134:2000:1259_1920x0_80_0_0_024580455e31e0d30a49136983a878df.jpg
БИШКЕК, 13-янв. — Sputnik. Нью-Йоркто Палестина менен Йеменди колдоо акциясы өтүп, ага жүздөгөн адам катышып жатканын РИА Новостиге өзүнүн кабарчысы билдирген. Нааразычылыкка чыккандар БУУнун штаб-квартирасынын жанындагы көчөнү бир канча убакыт жаап туруп, андан кийин түндүк тарапты көздөй жөнөшкөн.АКШ менен Улуу Британия Йеменге кайрадан сокку урду. Бул аталган өлкөгө жасалган алгачкы чабуул эмес. Жумага караган түнү АКШ менен Улуу Британия "Ансар Алла" кыймылына каршы операция баштап, өлкөнүн төрт провинциясында жайгашкан объектилерге сокку урган. Президент Жо Байден бул Кызыл деңиздеги кемелердин жүрүшүнө тоскоолдук жараткан кадамдарга жооп экенин белгилеп, аскердик операциянын уланарын четке каккан жок.АКШнын Борбордук командачылыгынын Аскер-аба күчтөрүнүн башчысы Алекс Гринкевичтин айтымында, өлкө армиясы аталган кыймылдын 60тай объектисин бутага алып, бул үчүн ар кыл ок-дарынын 100дөн ашуун түрүн колдонгон.Ал эми хуситтердин Куралдуу күчтөрүнүн өкүлү Яхья Сариа АКШ жана Улуу Британия Йемендин борбор калаасы Сана менен Ходейда, Таиз, Хаджа жана Саада провинцияларына 73 ирет сокку урганын, натыйжада беш жоокер каза болгонун билдирди.Хуситтер жооп иретинде америкалык жана англиялык аскер базаларына сокку уруп жатканын, натыйжада АКШнын аскер кемеси чөгүп кеткенин айтышты. "Ансар Алла" кыймылынын саясий бюросунун мүчөсү Хузам аль-Асад Лондон менен Вашингтон чабуулу үчүн өкүттө каларын, мындай аракетин йемендик жоокерлер жоопсуз калтырбай турганын белгилөөдө.Москва АКШнын Йеменге жасаган соккусун кескин сынга алган. Россиянын БУУнун Коопсуздук кеңешиндеги туруктуу өкүлү Василий Небензя АКШ тарапташтары менен Жакынкы Чыгыштагы жаңжалдын жайылышын шарттап жатканын айтып, Йеменге жасалган чабуул БУУнун Уставын бузуп жатканын белгиледи.
https://sputnik.kg/20240113/aksh-kajradan-jemenge-sokku-urdu-1081902379.html
нью-йорк
палестина
йемен
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
нью-йорк, палестина, йемен, акция, нааразычылык, бомбалоо
нью-йорк, палестина, йемен, акция, нааразычылык, бомбалоо
Нью-Йоркто Палестина менен Йеменди колдоо акциясы өтүп жатат
12:15 13.01.2024 (Жаңыртылды: 12:38 14.01.2024) Нааразычылыкка чыккандар БУУнун имаратына барышкан.
БИШКЕК, 13-янв. — Sputnik. Нью-Йоркто Палестина менен Йеменди колдоо акциясы өтүп, ага жүздөгөн адам катышып жатканын
РИА Новостиге өзүнүн кабарчысы билдирген.
Демонстранттар "Израилге жардам берүүнү токтоткула", "Палестинага эркиндик", "Йеменди бомбалоону токтоткула" деген жазуулары бар плакаттарды көтөрүп чыгышкан.
Нааразычылыкка чыккандар БУУнун штаб-квартирасынын жанындагы көчөнү бир канча убакыт жаап туруп, андан кийин түндүк тарапты көздөй жөнөшкөн.
АКШ менен Улуу Британия Йеменге кайрадан сокку урду. Бул аталган өлкөгө жасалган алгачкы чабуул эмес. Жумага караган түнү АКШ менен Улуу Британия "Ансар Алла" кыймылына каршы операция баштап, өлкөнүн төрт провинциясында жайгашкан объектилерге сокку урган. Президент Жо Байден бул Кызыл деңиздеги кемелердин жүрүшүнө тоскоолдук жараткан кадамдарга жооп экенин белгилеп, аскердик операциянын уланарын четке каккан жок.
АКШнын Борбордук командачылыгынын Аскер-аба күчтөрүнүн башчысы Алекс Гринкевичтин айтымында, өлкө армиясы аталган кыймылдын 60тай объектисин бутага алып, бул үчүн ар кыл ок-дарынын 100дөн ашуун түрүн колдонгон.
Ал эми хуситтердин Куралдуу күчтөрүнүн өкүлү Яхья Сариа АКШ жана Улуу Британия Йемендин борбор калаасы Сана менен Ходейда, Таиз, Хаджа жана Саада провинцияларына 73 ирет сокку урганын, натыйжада беш жоокер каза болгонун билдирди.
Хуситтер жооп иретинде америкалык жана англиялык аскер базаларына сокку уруп жатканын, натыйжада АКШнын аскер кемеси чөгүп кеткенин айтышты. "Ансар Алла" кыймылынын саясий бюросунун мүчөсү Хузам аль-Асад Лондон менен Вашингтон чабуулу үчүн өкүттө каларын, мындай аракетин йемендик жоокерлер жоопсуз калтырбай турганын белгилөөдө.
Москва АКШнын Йеменге жасаган соккусун кескин сынга алган. Россиянын БУУнун Коопсуздук кеңешиндеги туруктуу өкүлү Василий Небензя АКШ тарапташтары менен Жакынкы Чыгыштагы жаңжалдын жайылышын шарттап жатканын айтып, Йеменге жасалган чабуул БУУнун Уставын бузуп жатканын
белгиледи.
