https://sputnik.kg/20240113/aksh-kajradan-jemenge-sokku-urdu-1081902379.html
АКШ кайрадан Йеменге сокку уруп, эмне максаты бар экенин ачыктады
АКШ кайрадан Йеменге сокку уруп, эмне максаты бар экенин ачыктады
Sputnik Кыргызстан
Москва АКШнын Йеменге жасаган соккусун кескин сынга алган. 13.01.2024, Sputnik Кыргызстан
2024-01-13T10:35+0600
2024-01-13T10:35+0600
2024-01-14T12:56+0600
дүйнөдө
акш
улуу британия
йемен
сокку
ракета
кызыл деңиз
кеме
чабуул
россия
https://sputnik.kg/img/07e8/01/0d/1081902050_0:443:2048:1595_1920x0_80_0_0_c197c5da1b08b05a544b8124e16596e8.jpg
БИШКЕК, 13-янв. — Sputnik. АКШ Йемендеги хуситтердин радардык түзүлүшүнө ракеталык сокку урганын Пентагондун борбордук командачылыгы билдирди. Бул тууралуу РИА Новости жазды. Сокку америкалык эсминецтен учурулган "Томагавк" ракеталары менен жасалганы маалым болду.Бул Йеменге жасалган алгачкы чабуул эмес. Жумага караган түнү АКШ менен Улуу Британия "Ансар Алла" кыймылына каршы операция баштап, өлкөнүн төрт провинциясында жайгашкан объектилерге сокку урган. Президент Жо Байден бул Кызыл деңиздеги кемелердин жүрүшүнө тоскоолдук жараткан кадамдарга жооп экенин белгилеп, аскердик операциянын уланарын четке каккан жок.АКШнын Борбордук командачылыгынын Аскер-аба күчтөрүнүн башчысы Алекс Гринкевичтин айтымында, өлкө армиясы аталган кыймылдын 60тай объектисин бутага алып, бул үчүн ар кыл ок-дарынын 100дөн ашуун түрүн колдонгон.Ал эми хуситтердин Куралдуу күчтөрүнүн өкүлү Яхья Сариа АКШ жана Улуу Британия Йемендин борбор калаасы Сана менен Ходейда, Таиз, Хаджа жана Саада провинцияларына 73 ирет сокку урганын, натыйжада беш жоокер каза болгонун билдирди.Хуситтер жооп иретинде америкалык жана англиялык аскер базаларына сокку уруп жатканын, натыйжада АКШнын аскер кемеси чөгүп кеткенин айтышты. "Ансар Алла" кыймылынын саясий бюросунун мүчөсү Хузам аль-Асад Лондон менен Вашингтон чабуулу үчүн өкүттө каларын, мындай аракетин йемендик жоокерлер жоопсуз калтырбай турганын белгилөөдө.Москва АКШнын Йеменге жасаган соккусун кескин сынга алган. Россиянын БУУнун Коопсуздук кеңешиндеги туруктуу өкүлү Василий Небензя АКШ тарапташтары менен Жакынкы Чыгыштагы жаңжалдын жайылышын шарттап жатканын айтып, Йеменге жасалган чабуул БУУнун Уставын бузуп жатканын белгиледи.
https://sputnik.kg/20240112/aksh-britaniya-yemen-sokku-1081896053.html
акш
улуу британия
йемен
кызыл деңиз
Sputnik Кыргызстан
media@sputniknews.com
+74956456601
MIA „Rosiya Segodnya“
2024
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
дүйнөдө, акш, улуу британия, йемен, сокку, ракета, кызыл деңиз, кеме, чабуул, россия
дүйнөдө, акш, улуу британия, йемен, сокку, ракета, кызыл деңиз, кеме, чабуул, россия
АКШ кайрадан Йеменге сокку уруп, эмне максаты бар экенин ачыктады
10:35 13.01.2024 (Жаңыртылды: 12:56 14.01.2024) Москва АКШнын Йеменге жасаган соккусун кескин сынга алган.
БИШКЕК, 13-янв. — Sputnik. АКШ Йемендеги хуситтердин радардык түзүлүшүнө ракеталык сокку урганын Пентагондун борбордук командачылыгы билдирди. Бул тууралуу
РИА Новости жазды.
Сокку америкалык эсминецтен учурулган "Томагавк" ракеталары менен жасалганы маалым болду.
Бул Йеменге жасалган алгачкы чабуул эмес. Жумага караган түнү АКШ менен Улуу Британия "Ансар Алла" кыймылына каршы операция баштап, өлкөнүн төрт провинциясында жайгашкан объектилерге сокку урган. Президент Жо Байден бул Кызыл деңиздеги кемелердин жүрүшүнө тоскоолдук жараткан кадамдарга жооп экенин белгилеп, аскердик операциянын уланарын четке каккан жок.
АКШнын Борбордук командачылыгынын Аскер-аба күчтөрүнүн башчысы Алекс Гринкевичтин айтымында, өлкө армиясы аталган кыймылдын 60тай объектисин бутага алып, бул үчүн ар кыл ок-дарынын 100дөн ашуун түрүн колдонгон.
Ал эми хуситтердин Куралдуу күчтөрүнүн өкүлү Яхья Сариа АКШ жана Улуу Британия Йемендин борбор калаасы Сана менен Ходейда, Таиз, Хаджа жана Саада провинцияларына 73 ирет сокку урганын, натыйжада беш жоокер каза болгонун билдирди.
Хуситтер жооп иретинде америкалык жана англиялык аскер базаларына сокку уруп жатканын, натыйжада АКШнын аскер кемеси чөгүп кеткенин айтышты. "Ансар Алла" кыймылынын саясий бюросунун мүчөсү Хузам аль-Асад Лондон менен Вашингтон чабуулу үчүн өкүттө каларын, мындай аракетин йемендик жоокерлер жоопсуз калтырбай турганын белгилөөдө.
Москва АКШнын Йеменге жасаган соккусун кескин сынга алган. Россиянын БУУнун Коопсуздук кеңешиндеги туруктуу өкүлү Василий Небензя АКШ тарапташтары менен Жакынкы Чыгыштагы жаңжалдын жайылышын шарттап жатканын айтып, Йеменге жасалган чабуул БУУнун Уставын бузуп жатканын
белгиледи.
