Юрист: Курултайдын курамы канчалык сапаттуу түзүлөрү суроо бойдон калууда
"Баш мыйзамда Курултай институтунун ыйгарым укуктары жана мамлекеттик институттар менен мамилеси аныкталган. Анын 7-беренесине ылайык, Курултай — бул эл өкүлчүлүк функциясын аткарган, социалдык өнүгүү боюнча сунуштарды бере алган кеңешүүчү, байкоочу жыйын. Курултайды уюштуруу, анын ишинин тартиби Конституция жана конституциялык мыйзамдар менен аныкталат. Элдик курултай мыйзам демилгелөөгө, президент, ЖК, министрлер кабинети, Жогорку сот, Башкы прокуратура жана башка мамлекеттик органдардын ишине мониторинг жүргүзүүгө укуктуу. Президент курултайдын сунушу менен мыйзамдын чегинде аткаруу бийлигинин мүчөлөрүн жана башка мамлекеттик органдардын жетекчилерин иштен кетире ала турганы белгиленген. Мындан тышкары, аталган институттун Соттор кеңешине талапкерлерди сунуштоо боюнча укугу бар. Бирок азыркыга чейин Курултайдын курамы канчалык сапаттуу түзүлө турганы жана ал мамлекеттин кызыкчылыгы үчүн иштей ала турганы суроо бойдон калууда", — деди Эргешбаева.
