https://sputnik.kg/20231020/palestina-izrail-sogush-kyrgyn-ok-atuu-1079716255.html
Эрдоган Израилди Газа секторуна карата чабуулду тезинен токтотууга чакырды
Эрдоган Израилди Газа секторуна карата чабуулду тезинен токтотууга чакырды
Sputnik Кыргызстан
Түркиянын мамлекет башчысы Израилдин Газага карата чабуулдарын геноцидге тең деп сыпаттаган. 20.10.2023, Sputnik Кыргызстан
2023-10-20T23:22+0600
2023-10-20T23:22+0600
2023-10-20T23:29+0600
дүйнөдө
палестина
израиль
согуш
кыргын
ок атуу
чакырык
тынчтык
https://sputnik.kg/img/07e7/0a/14/1079716020_0:0:3072:1728_1920x0_80_0_0_272642c586564888f3af8539851ce3db.jpg
БИШКЕК, 20-окт. – Sputnik. Түркия президенти Режеп Тайип Эрдоган Израилден Газа секторуна чабуулду тезинен токтотууну талап кылат. Бул тууралуу Түркия лидери социалдык тармактагы баракчасына жазды.Эрдоган билдирүүсүндө балдарды, аялдарды, жай жашоочуларды өлтүрүү менен Газа секторуна жасалып жаткан чабуулдун кеңейүүсү дагы көп адамдын өмүрүн кыйып, дагы көптөгөн көз жаштан башка эч нерсе алып келбей тургандыгын белгилеген.7-октябрь күнү эртең менен Израиль ХАМАС аскердик канаты жарыялаган "Аль-Акса топон суусу" операциясынын алкагында Газа сектору тараптан болуп көрбөгөндөй чабуулга дуушар болгон. Ракеталык соккулардан кийин уюмдун жоокерлери Израилдин түштүк чегине кирип барган.Жооп иретинде ЦАХАЛ ХАМАСка каршы "Темир кылыч" операциясын баштаган. Израиль чабуул жасалгандан бир нече күн өткөн соң Газа менен чектешкен калктуу конуштарды кайра өз көзөмөлүнө алып, сектордун аймагындагы объектилерге сокку ура баштаган. Мындан тышкары, аймакты толугу менен блокадалап, суу, азык-түлүк, электр кубаты, дары-дармек, отун ташуу токтотулган.Эки тараптан тең каза болгондордун саны миңден ашып, бир нече миңи жаракат алган.Россия президенти Владимир Путин Жакынкы Чыгыштагы кризис БУУнун Коопсуздук кеңеши 1967-жылы бекитип берген "эки мамлекеттүүлүк" формуласынын негизинде гана жөнгө салынышы керек деген позициясын билдирген. Аталган формулада борбору Чыгыш Иерусалимде жайгашкан көз карандысыз Палестина мамлекетин түзүү каралган.Тараптардын аймактык кызыкчылыгы менен байланышкан палестиндик-израилдик жаңжал ондогон жылдардан бери региондогу кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.
https://sputnik.kg/20231019/erdogan-gaza-tuuraluu-1079623401.html
палестина
израиль
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, палестина, израиль, согуш, кыргын, ок атуу, чакырык, тынчтык
дүйнөдө, палестина, израиль, согуш, кыргын, ок атуу, чакырык, тынчтык
Эрдоган Израилди Газа секторуна карата чабуулду тезинен токтотууга чакырды
23:22 20.10.2023 (Жаңыртылды: 23:29 20.10.2023) Түркиянын мамлекет башчысы Израилдин Газага карата чабуулдарын геноцидге тең деп сыпаттаган.
БИШКЕК, 20-окт. – Sputnik. Түркия президенти Режеп Тайип Эрдоган Израилден Газа секторуна чабуулду тезинен токтотууну талап кылат. Бул тууралуу Түркия лидери социалдык тармактагы баракчасына жазды.
Эрдоган билдирүүсүндө балдарды, аялдарды, жай жашоочуларды өлтүрүү менен Газа секторуна жасалып жаткан чабуулдун кеңейүүсү дагы көп адамдын өмүрүн кыйып, дагы көптөгөн көз жаштан башка эч нерсе алып келбей тургандыгын белгилеген.
"Оорукана, мектеп, мечит жана чиркөөлөрдү жардыруу менен коопсуздукту камсыздоо мүмкүн эмес. Биздин аймак Батыштын жалпыга маалымдоо каражаттары легитимдүүлүгүн жактаган, Батыш колдоп жаткан бул акылга сыйгыс нерседен мүмкүн болушунча тезирээк кутулушубуз керек. Мен бардык мамлекеттерди жана эл аралык уюмдарды Газа секторуна ок чыгарууларды тезинен токтотуу демилгесин колдоого чакырам. Кайталап айтам, биз Израиль администрациясын жай жашоочуларга карата чабуулун жана тукум-курут кылууга барабар болгон операцияларын токтотууга чакырабыз", — деген Эрдоган.
7-октябрь күнү эртең менен Израиль ХАМАС аскердик канаты жарыялаган "Аль-Акса топон суусу" операциясынын алкагында Газа сектору тараптан болуп көрбөгөндөй чабуулга дуушар болгон. Ракеталык соккулардан кийин уюмдун жоокерлери Израилдин түштүк чегине кирип барган.
Жооп иретинде ЦАХАЛ ХАМАСка каршы "Темир кылыч" операциясын баштаган. Израиль чабуул жасалгандан бир нече күн өткөн соң Газа менен чектешкен калктуу конуштарды кайра өз көзөмөлүнө алып, сектордун аймагындагы объектилерге сокку ура баштаган. Мындан тышкары, аймакты толугу менен блокадалап, суу, азык-түлүк, электр кубаты, дары-дармек, отун ташуу токтотулган.
Эки тараптан тең каза болгондордун саны миңден ашып, бир нече миңи жаракат алган.
Россия президенти Владимир Путин Жакынкы Чыгыштагы кризис БУУнун Коопсуздук кеңеши 1967-жылы бекитип берген "эки мамлекеттүүлүк" формуласынын негизинде гана жөнгө салынышы керек деген позициясын билдирген. Аталган формулада борбору Чыгыш Иерусалимде жайгашкан көз карандысыз Палестина мамлекетин түзүү каралган.
Тараптардын аймактык кызыкчылыгы менен байланышкан палестиндик-израилдик жаңжал ондогон жылдардан бери региондогу кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.
19 Тогуздун айы 2023, 11:40
