https://sputnik.kg/20230818/ozbekstanga-berilgen-pansinattar-sadyr-zhaparov-1077913946.html
Жапаров: 40 млн. доллар доого жыгылгандыктан Өзбекстанга 4 пансионатты бердик
Жапаров: 40 млн. доллар доого жыгылгандыктан Өзбекстанга 4 пансионатты бердик
Sputnik Кыргызстан
Мамлекет башчы кыргыз өкмөтү эл аралык соттон утулуп калганын, республиканын аны төлөөгө чамасы жоктугун айтты. 18.08.2023, Sputnik Кыргызстан
2023-08-18T13:05+0600
2023-08-18T13:05+0600
2023-08-18T13:17+0600
кыргызстан
өзбекстан
пансионат
ижара
садыр жапаров
https://sputnik.kg/img/07e7/08/12/1077914228_0:64:2048:1216_1920x0_80_0_0_9d4edde37d1d3af62cf41edf772bb6c1.jpg
БИШКЕК, 18-авг. — Sputnik. Президент Садыр Жапаров Ысык-Көлдөгү төрт пансионаттын Өзбекстанга 49 жылга ижарага берилиши боюнча жооп берди.Ал "Кабар" улуттук агенттигине маек берип, 2016-жылы Темир Сариев премьер-министр болуп турганда популисттик кылып эле пансионаттарды алып койгонун айтты. Ошол эле жылы өзбек тарап эл аралык сотко 65 миллион долларга доо арыз менен кайрылган.Ошондой эле президент аталган төрт пансионатты сатууга койсо 40 эмес 4 миллион долларга да эч ким албай турганын белгиледи."Ал эми 5-10 жылга эле ижарага бербейлиби деген — түркөйлүк. Төрт-беш жылдыздуу жатаканаларды куруп бүткүчө эле 5-10 жыл кетет. Анан кайсы мамлекет короткон акчасын актабай туруп биз үчүн куруп бермек эле. Биз ар бир жасаган ишибиз, кабыл алган чечимибиз үчүн 50 жылдан кийин дагы бетибиз кызарбай жооп берүүгө даярбыз. Баары мамлекет, эл үчүн гана болот. Андыктан кайсы бир сайттар, кимдир бирөөлөр резонанс жараткылары келсе, андайларга көңүл бурбагыла", — деди Жапаров.Белгилей кетсек, Мамлекеттик мүлктү башкаруу агенттиги Ысык-Көлдөгү "Золотые пески", "Дилором", "Рохат" жана толук курулуп бүтө элек "Бустон" пансионаттары Өзбекстанга 49 жылга берилерин кабарлаган. Өзбек компаниялары ижара акысынын ордуна реконструкциялап, ар бир пансионатка 15-20 миллион доллардан сарптайт.Мурда бул объектилерди өзбек тарап башкарчу, 2016-жылы Кыргызстан өзүнүн балансына өткөрүп, аталыштарын өзгөрткөн.
https://sputnik.kg/20230816/ak-yy-kompaniya-zher-berildi-1077868508.html
өзбекстан
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, өзбекстан, пансионат, ижара, садыр жапаров
кыргызстан, өзбекстан, пансионат, ижара, садыр жапаров
Жапаров: 40 млн. доллар доого жыгылгандыктан Өзбекстанга 4 пансионатты бердик
13:05 18.08.2023 (Жаңыртылды: 13:17 18.08.2023) Мамлекет башчы кыргыз өкмөтү эл аралык соттон утулуп калганын, республиканын аны төлөөгө чамасы жоктугун айтты.
БИШКЕК, 18-авг. — Sputnik. Президент
Садыр Жапаров Ысык-Көлдөгү төрт пансионаттын Өзбекстанга 49 жылга ижарага берилиши боюнча жооп берди.
Ал "Кабар" улуттук агенттигине маек берип, 2016-жылы Темир Сариев премьер-министр болуп турганда популисттик кылып эле пансионаттарды алып койгонун айтты. Ошол эле жылы өзбек тарап эл аралык сотко 65 миллион долларга доо арыз менен кайрылган.
"2017-жылы Сапар Исаков өзбек тарапка "тынчтык жолу менен чечели, силерге 4 пансионатты кайра берели, доо арызыңарды алып койгула" деп кат жөнөтүптүр. Быйыл май айында эл аралык сот кыргыз тарап 40 миллиондон ашыгыраак доллар төлөйсүңөр деген чечим чыгарды. Биз анча акчаны төлөй албайбыз, андан көрө силер 49 жылга алгыла, 4-5 жылдыздуу мейманканаларды кургула деп келиштик. Ал пансионаттардын акыбалын көрсөңөр, аткана. Өзүбүз жакынкы 15-20 жылда ал пансионаттарга бир тыйын сала албайбыз. Башка жыртык-тешиктерибизди бүтөй албай жатканда ага кайдагы акча?" — деди Жапаров.
Ошондой эле президент аталган төрт пансионатты сатууга койсо 40 эмес 4 миллион долларга да эч ким албай турганын белгиледи.
"Ал эми 5-10 жылга эле ижарага бербейлиби деген — түркөйлүк. Төрт-беш жылдыздуу жатаканаларды куруп бүткүчө эле 5-10 жыл кетет. Анан кайсы мамлекет короткон акчасын актабай туруп биз үчүн куруп бермек эле. Биз ар бир жасаган ишибиз, кабыл алган чечимибиз үчүн 50 жылдан кийин дагы бетибиз кызарбай жооп берүүгө даярбыз. Баары мамлекет, эл үчүн гана болот. Андыктан кайсы бир сайттар, кимдир бирөөлөр резонанс жараткылары келсе, андайларга көңүл бурбагыла", — деди Жапаров.
Белгилей кетсек, Мамлекеттик мүлктү башкаруу агенттиги Ысык-Көлдөгү "Золотые пески", "Дилором", "Рохат" жана толук курулуп бүтө элек "Бустон" пансионаттары Өзбекстанга 49 жылга берилерин кабарлаган. Өзбек компаниялары ижара акысынын ордуна реконструкциялап, ар бир пансионатка 15-20 миллион доллардан сарптайт.
Мурда бул объектилерди өзбек тарап башкарчу, 2016-жылы Кыргызстан өзүнүн балансына өткөрүп, аталыштарын өзгөрткөн.
