"Мыкты короо", "Мыкты квартал" сынагы быйыл экинчи ирет уюштурулууда
© Sputnik / Асель Сыдыкова
Жазылуу
Мэрияга караштуу Бишкек шаарынын өнүгүү жана инвестиция тартуу агенттигинин жетекчиси Курманбек Молдокулов ордо калаа тургундарынын демилгелерин колдоо максатында "Эң жакшы короо", "Эң жакшы квартал" сынагы уюштурулуп жатканын айтты.
Акимчиликтер жана муниципалдык аймактык башкармалыктар арасында сынак быйыл экинчи ирет уюштурулуп жатат. Буга чейин аталган иш-чара бир нече жыл мурда өткөнүн Курманбек Молдокулов Sputnik Кыргызстан радиосунун эфиринде маек куруп жатып билдирди.
"Мыкты короо", "Мыкты квартал" сынагы быйыл экинчи ирет уюштурулууда
Анын айтымында, сынакка мэрия 760 миӊ сом байге фондун бөлгөн.
"Эң жакшы короо", "Эң жакшы квартал" жана "Бишкек мэриясынын эң жакшы муниципалдык администрациясы", "Бишкек мэриясынын эң жакшы муниципалдык аймактык башкармалыгы" сынагынын алкагында Биринчи май, Свердлов жана Октябрь райондорунун тургундары менен жолугушуулар өткөрүлгөн. Сынактын шарттары кварталдык жана үй комитеттеринин төрагаларынын, активисттердин жана муниципалдык аймактык башкармалыктардын катышуусунда талкууланды. Бул жолу "Эӊ мыкты короо" сынагы 1991-жылга чейин пайдаланууга берилген үйлөр жана 1991-жылдан кийин пайдаланууга берилген үйлөр болуп эки номинация боюнча өткөрүлөт. "Эӊ мыкты короо" сынагына турак жай ээлеринин шериктештиктери, турак жай-курулуш кооперативдери жана үй комитеттери, ал эми "Мыкты квартал" сынагына Бишкек шаарынын кварталдык комитеттери катышууда. "Мыкты короо" сынагынын байге фонду 460 миң сомду, "Мыкты квартал" сынагынын байге фонду 300 миң сомду түзөт. Мындай сынактар тургундардын демилгелерин колдоо, шаарды санитардык тазалоо, көрктөндүрүү жана өнүктүрүү боюнча иштерди аткарган кызматкерлердин ишмердүүлүгүнө дем берүү максатында өткөрүлөт. Конкурска катышуу үчүн табыштамалар 2023-жылдын 15-августуна чейин кабыл алынып, күзгө калтырылбай жыйынтык чыгат", — деди Молдокулов.
Ал сынакта атайын комиссия үйлөрдүн жашоо үчүн коопсуздугун, балдарга түзүп берген ыӊгайлуулугун, көрктөндүрүлүшүн карап баа берерин кошумчалады.
