https://sputnik.kg/20230512/negizgi-shektuu-karmaldy-1075265771.html
Баласынын кылмышын өзүнө алган. Курсант кыздын өлүмү боюнча чыныгы шектүү кармалды
Баласынын кылмышын өзүнө алган. Курсант кыздын өлүмү боюнча чыныгы шектүү кармалды
Sputnik Кыргызстан
Өлкөдөн мыйзамсыз чыгып кетүүгө аракет кылган негизги шектүү колго түштү. 12.05.2023, Sputnik Кыргызстан
2023-05-12T17:48+0600
2023-05-12T17:48+0600
2023-05-12T17:49+0600
кыргызстан
жол кырсык
кылмыш
ата
бала
жоопкерчилик
прокуратура
https://sputnik.kg/img/104686/97/1046869742_0:316:3067:2041_1920x0_80_0_0_f9000f7ba4b3f6f7957c3c2ed7a4d1dc.jpg
БИШКЕК, 12-май — Sputnik. Бишкекте 1998-жылкы Айза Улан кызынын өлүмү боюнча чыныгы шектүү кармалды. Бул тууралуу Башкы прокуратура билдирди.Эске салсак, үстүбүздөгү жылдын январь айында ИИМ Академиясынын курсанты Айза Улан кызын машина сүзүп кеткен. Кылмышка шектүү катары ички иштер органдарынын мурдагы кызматкери У.Н.А. аттуу жаран кармалган. Бирок анын оорусуна байланыштуу сот үй камагына чыгарган. Кийин Бишкек шаардык прокуратурасы аталган кылмыш ишти өз өндүрүшүнө алып, тергөө амалдарын жүргүзгөн. Натыйжада кырсык болгон учурда машинанын рулунда У.Н.А. эмес, анын У.Э.Н. аттуу уулу болгону аныкталган.Өлкөдөн мыйзамсыз чыгып кетүүгө аракет кылган негизги шектүү У.Э.Н. тергөө иш-чараларынын натыйжасында прокуратура кызматкерлери тарабынан Бишкек шаарынын аймагынан кармалып, ШИИБдин убактылуу кармоочу жайына киргизилди.Учурда прокуратура тарабынан иш боюнча бардык жагдайларды аныктоого жана тиешеси бар адамдарды жоопкерчиликке тартууга багытталган тергөө амалдары улантылууда.
https://sputnik.kg/20230427/okuuchular-kabylgan-avtokyrsyktagy-balanyn-abaly-zhakshyra-bashtady-1074794945.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жол кырсык, кылмыш, ата, бала, жоопкерчилик, прокуратура
кыргызстан, жол кырсык, кылмыш, ата, бала, жоопкерчилик, прокуратура
Баласынын кылмышын өзүнө алган. Курсант кыздын өлүмү боюнча чыныгы шектүү кармалды
17:48 12.05.2023 (Жаңыртылды: 17:49 12.05.2023) Өлкөдөн мыйзамсыз чыгып кетүүгө аракет кылган негизги шектүү колго түштү.
БИШКЕК, 12-май — Sputnik. Бишкекте 1998-жылкы Айза Улан кызынын өлүмү боюнча чыныгы шектүү кармалды. Бул тууралуу Башкы прокуратура билдирди.
Эске салсак, үстүбүздөгү жылдын январь айында ИИМ Академиясынын курсанты Айза Улан кызын машина сүзүп кеткен. Кылмышка шектүү катары ички иштер органдарынын мурдагы кызматкери У.Н.А. аттуу жаран кармалган. Бирок анын оорусуна байланыштуу сот үй камагына чыгарган. Кийин Бишкек шаардык прокуратурасы аталган кылмыш ишти өз өндүрүшүнө алып, тергөө амалдарын жүргүзгөн. Натыйжада кырсык болгон учурда машинанын рулунда У.Н.А. эмес, анын У.Э.Н. аттуу уулу болгону аныкталган.
"Ички иштер органдарынын мурдагы кызматкери, жазык сот өндүрүшүн жүргүзүү боюнча теориялык билими жана тажрыйбасы бар У.Н.А. уулунун бул кылмышка катыштыгын жашыруу максатында оорусу жана майыптыгы анын камакта кармалышына алып келбестигин билип туруп, кылмышты өзү жасагандыгы тууралуу көрсөтмө бергендиги аныкталды. Ал ошону менен уулун кылмыш жоопкерчилигине тартуудан сактап калууга далалат кылган", — деп айтылат маалыматта.
Өлкөдөн мыйзамсыз чыгып кетүүгө аракет кылган негизги шектүү У.Э.Н. тергөө иш-чараларынын натыйжасында прокуратура кызматкерлери тарабынан Бишкек шаарынын аймагынан кармалып, ШИИБдин убактылуу кармоочу жайына киргизилди.
Учурда прокуратура тарабынан иш боюнча бардык жагдайларды аныктоого жана тиешеси бар адамдарды жоопкерчиликке тартууга багытталган тергөө амалдары улантылууда.
