https://sputnik.kg/20230507/zhumash-asanalievdin-ehsteligi-belarus-1075083107.html
21 жашында курман болгон. Жумаш Асаналиевге арналган Минскидеги эстелик. Видео
21 жашында курман болгон. Жумаш Асаналиевге арналган Минскидеги эстелик. Видео
Sputnik Кыргызстан
Бул эгемен Кыргызстандын өз жаранына чет өлкөдө тургузган биринчи эстелиги. 07.05.2023, Sputnik Кыргызстан
2023-05-07T19:12+0600
2023-05-07T19:12+0600
2023-05-07T19:12+0600
кыргызстан
беларусь
минск
эстелик
эрдик
улуу ата мекендик согуш
видео
жумаш асаналиев
рысбек качкеев
https://sputnik.kg/img/07e7/05/07/1075083224_0:0:1280:720_1920x0_80_0_0_825e66e884b97782a853ac2a0293e074.jpg
2005-жылы 1-июлда Беларустун борбору Минск шаарында кыргызстандык жоокер, Советтер Союзунун Баатыры Жумаш Асаналиевге арналган эстелик ачылган. Бул иш-чара боюнча ошол учурдагы Беларустагы элчи Рысбек Качкеевдин өтүнүчү менен Беларусь телеграф агенттиги "И помнит мир спасенный..." аттуу даректүү тасма тарткан.Постсоветтик аймактагы мамлекеттер үчүн 9-май кайгы менен кубаныч аралашкан күн. Улуу Ата мекендик согуш учурунда Советтер Союзунун эли миллиондогон уулдары менен кыздарынан ажыраган. Кан майданга Кыргызстандан 300 миңден ашык жоокер аттанган. Жүз миңден ашык кыргызстандык аскер согуштан кайткан эмес.1944-жылы гитлерчилерден Беларусту бошотууда 21 жаштагы кыргызстандык жоокер Жумаш Асаналиев Витебск облусунун Лабейка айылынын жанындагы салгылашта баатырларча курман болгон. Ал Ак-Суу районунун Отуз-Уул айылынын кулуну эле. Асаналиевдин сөөгү Витебскинин Узречье кыштагынын жанына коюлган. Бир аз убакыттан кийин өзгөчө эрдиги үчүн ага Советтер Союзунун Баатыры деген наам берилген. Ушул эле аймакта 1944-жылы Жумаштын жакын тууганы Ыбрай Сеитов да баатырларча курман болгону архивден тастыкталды.1965-жылы Улуу Жеңиштин 20 жылдыгына Минск шаардык аткаруу комитети шаардын жаңы "Курасовщина" конушунун негизги көчөсүнө Асаналиевдин ысымын берген. 2002-жылы Кыргызстандын Беларустагы элчиси Рысбек Качкеев Минскиде Асаналиевге арналган эстелик орнотуу демилгесин көтөрүп, президент Александр Лукашенкого кайрылат. Ал бул сунушту колдойт. Лукашенконун чечими менен эстеликти орнотууга 215 миң доллар бөлүнгөн. 2005-жылы 1-июлда Жумаш Асаналиевдин эстелигинин салтанаттуу ачылышы болот. Бул эгемен Кыргызстандын чет мамлекетте өз жаранына арналган биринчи эстелиги эле.Тема боюнча:
беларусь
минск
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, беларусь, минск, эстелик, эрдик, улуу ата мекендик согуш, видео, жумаш асаналиев, рысбек качкеев, видео
кыргызстан, беларусь, минск, эстелик, эрдик, улуу ата мекендик согуш, видео, жумаш асаналиев, рысбек качкеев, видео
21 жашында курман болгон. Жумаш Асаналиевге арналган Минскидеги эстелик. Видео
Бул эгемен Кыргызстандын өз жаранына чет өлкөдө тургузган биринчи эстелиги.
2005-жылы 1-июлда Беларустун борбору Минск шаарында кыргызстандык жоокер, Советтер Союзунун Баатыры Жумаш Асаналиевге арналган эстелик ачылган. Бул иш-чара боюнча ошол учурдагы Беларустагы элчи Рысбек Качкеевдин өтүнүчү менен Беларусь телеграф агенттиги "И помнит мир спасенный..." аттуу даректүү тасма тарткан.
Постсоветтик аймактагы мамлекеттер үчүн 9-май кайгы менен кубаныч аралашкан күн. Улуу Ата мекендик согуш учурунда Советтер Союзунун эли миллиондогон уулдары менен кыздарынан ажыраган. Кан майданга Кыргызстандан 300 миңден ашык жоокер аттанган. Жүз миңден ашык кыргызстандык аскер согуштан кайткан эмес.
1944-жылы гитлерчилерден Беларусту бошотууда 21 жаштагы кыргызстандык жоокер Жумаш Асаналиев Витебск облусунун Лабейка айылынын жанындагы салгылашта баатырларча курман болгон. Ал Ак-Суу районунун Отуз-Уул айылынын кулуну эле. Асаналиевдин сөөгү Витебскинин Узречье кыштагынын жанына коюлган. Бир аз убакыттан кийин өзгөчө эрдиги үчүн ага Советтер Союзунун Баатыры деген наам берилген. Ушул эле аймакта 1944-жылы Жумаштын жакын тууганы Ыбрай Сеитов да баатырларча курман болгону архивден тастыкталды.
1965-жылы Улуу Жеңиштин 20 жылдыгына Минск шаардык аткаруу комитети шаардын жаңы "Курасовщина" конушунун негизги көчөсүнө Асаналиевдин ысымын берген. 2002-жылы Кыргызстандын Беларустагы элчиси Рысбек Качкеев Минскиде Асаналиевге арналган эстелик орнотуу демилгесин көтөрүп, президент Александр Лукашенкого кайрылат. Ал бул сунушту колдойт. Лукашенконун чечими менен эстеликти орнотууга 215 миң доллар бөлүнгөн. 2005-жылы 1-июлда Жумаш Асаналиевдин эстелигинин салтанаттуу ачылышы болот. Бул эгемен Кыргызстандын чет мамлекетте өз жаранына арналган биринчи эстелиги эле.
