https://sputnik.kg/20230417/dnk-laboratoriya-achuu-plandaluuda-1074512791.html
Кыргызстанда ДНК-лаборатория ачуу пландалууда. Болжолдуу баасы айтылды
Кыргызстанда ДНК-лаборатория ачуу пландалууда. Болжолдуу баасы айтылды
Sputnik Кыргызстан
Учурда ДНК-экспертиза зарыл болсо Алматыдагы лабораторияга жөнөтүлөт. 17.04.2023, Sputnik Кыргызстан
2023-04-17T16:08+0600
2023-04-17T16:08+0600
2023-04-17T16:09+0600
кыргызстан
лаборатория
днк
ачуу
анализ
иим
план
https://sputnik.kg/img/07e7/04/11/1074512619_0:256:3073:1985_1920x0_80_0_0_8a0ea5d7634fe00784afdf34e4036a3e.jpg
БИШКЕК, 17-апр. — Sputnik. Ички иштер министрлиги ДНК-лаборатория ачууну пландап жатат. Бул тууралуу ИИМ башчысынын орун басары Эркебек Аширходжаев ЖКнын Социалдык саясат комитетинде билдирди.Жыйында депутат Жылдыз Садырбаева зордуктоо оор кылмышка кирерин, аны далилдөөнүн эң негизги механизми ДНК-анализ экенин белгиледи. Өлкөдө андай лаборатория жок милиция кандай иштеп жатканына кызыкты.Аширходжаев кээ бир өзгөчө оор учурларда ДНК-экспертиза Алматыда жасаларын, бирок ал кымбат болгондуктан милиция кызматкерлери чөнтөгүнөн акча чогултууга аргасыз экенин айтты.Мындан улам министрдин орун басары ДНК-лаборатория ачуу пландалып жатканын, бирок ага 2 миллион долларга жакын каражат керектигин билдирди."Азыр макулдашуулар жүрүп жатат, кудай буюрса, эмдиги жылы ачып калабыз деген план бар. Туура айтасыз, ДНК-анализ аябай жакшы далил болот эле. Бирок эч нерсе кылбай жатасыздар дегениңизге макул эмесмин. Мен кызматка келген эки жылдан бери ушул теманы көтөрүп келем. Акылбек Үсөнбекович менен былтыр сүйлөшкөнбүз, быйыл акча бөлүп берилет. Лаборатория бир күндүк жумуш эмес экен, техникалык талаптарына жооп берген имарат керек, реактивдери бар. Лабораторияны иштетиш үчүн жылына 600-700 миң доллар талап кылынат. Иштеп жатабыз, жөн отурган жокпуз", — деди Аширходжаев.Ошондой эле ал бир ДНК-анализ жүргүзүүнүн өздүк баасы эле 1000 доллардан аша турганын белгиледи.
https://sputnik.kg/20230414/komur-sapat-laboratoriya-analiz-kozomol-ekologiya-1074427340.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, лаборатория, днк, ачуу, анализ, иим, план
кыргызстан, лаборатория, днк, ачуу, анализ, иим, план
Кыргызстанда ДНК-лаборатория ачуу пландалууда. Болжолдуу баасы айтылды
16:08 17.04.2023 (Жаңыртылды: 16:09 17.04.2023) Учурда ДНК-экспертиза зарыл болсо Алматыдагы лабораторияга жөнөтүлөт.
БИШКЕК, 17-апр. — Sputnik. Ички иштер министрлиги ДНК-лаборатория ачууну пландап жатат. Бул тууралуу ИИМ башчысынын орун басары Эркебек Аширходжаев ЖКнын Социалдык саясат комитетинде билдирди.
Жыйында депутат Жылдыз Садырбаева зордуктоо оор кылмышка кирерин, аны далилдөөнүн эң негизги механизми ДНК-анализ экенин белгиледи. Өлкөдө андай лаборатория жок милиция кандай иштеп жатканына кызыкты.
Аширходжаев кээ бир өзгөчө оор учурларда ДНК-экспертиза Алматыда жасаларын, бирок ал кымбат болгондуктан милиция кызматкерлери чөнтөгүнөн акча чогултууга аргасыз экенин айтты.
"Зордуктоо кылмыштары бизде көп тараган, өзгөчө балдар арасында. Өзүбүздө да лаборатория салыш керек деп ойлобойсузбу? Бул сиздер тараптан өтө шалаакылык деп ойлойм, так далилдүү базаңар жок. Кыргызстанга ири суммадагы гранттар келет, силер быйыл, керек болсо ушул айда лаборатория салсаңар болот. Зордукчулар азыр жакшы бир адвокат жалдаса суудан кургак чыгышы мүмкүн", — деп нааразы болду депутат.
Мындан улам министрдин орун басары ДНК-лаборатория ачуу пландалып жатканын, бирок ага 2 миллион долларга жакын каражат керектигин билдирди.
"Азыр макулдашуулар жүрүп жатат, кудай буюрса, эмдиги жылы ачып калабыз деген план бар. Туура айтасыз, ДНК-анализ аябай жакшы далил болот эле. Бирок эч нерсе кылбай жатасыздар дегениңизге макул эмесмин. Мен кызматка келген эки жылдан бери ушул теманы көтөрүп келем. Акылбек Үсөнбекович менен былтыр сүйлөшкөнбүз, быйыл акча бөлүп берилет. Лаборатория бир күндүк жумуш эмес экен, техникалык талаптарына жооп берген имарат керек, реактивдери бар. Лабораторияны иштетиш үчүн жылына 600-700 миң доллар талап кылынат. Иштеп жатабыз, жөн отурган жокпуз", — деди Аширходжаев.
Ошондой эле ал бир ДНК-анализ жүргүзүүнүн өздүк баасы эле 1000 доллардан аша турганын белгиледи.
