Кыргызстанда командировкалык чыгымдын суммасын көбөйтүү сунушталды

© Sputnik / Максим БлиновАэропортто чемодан менен жүргүнчү. Архив
Аэропортто чемодан менен жүргүнчү. Архив - Sputnik Кыргызстан, 1920, 11.04.2023
Жазылуу
Адистин айтымында, азыркы норма 2016-жылы бекитилген.
БИШКЕК, 11-апр. — Sputnik. Кыргызстанда өлкө аймагындагы командировкага кеткен чыгымдын нормасын эки эсеге көбөйтүү сунушталды.
Социалдык-эмгек мамилелерин изилдөө борборунун директору, Тоо-металлургиялык профсоюздун башчысы Элдар Тажибаев кайрылуу министрлер кабинетине жолдонгонун билдирди.
Учурда өлкө боюнча суткалык норма 500 сом, Бишкек боюнча 600 сомду түзөт. Адис региондорго 800, Бишкекке 1000 сом деп белгилөөнү сунуштап жатат.
Тажибаевдин айтымында, 2016-жылы бекитилген командировкага берилчү акчанын суммасы өтө төмөн болгондуктан тамак-аш менен башка чыгымдарды жаппай калып жатат. Себеби баалар кыйла жогорулады.
Адистин эсеби боюнча, кафеге тамактануу үчүн бир эле жолу киргенде 300дөн 1000 сомго чейин кетет (ар кайсы аймакта ар кандай).
"Адам бир күндө кеминде үч ирет тамактанышы керек. Командировкага чыккан кызматкердин тамак-аштан сырткары башка дагы чыгымдары бар. Көпчүлүк учурда өз чөнтөгүнөн төлөп калып жатышат", — деди адис.
Тажибаевдин айтымында, Эмгек кодексинин 190-беренеси боюнча, жумуш берүүчү командировкага жөнөткөн кызматкеринин жол киресин, жаткан жерин гана төлөп бербестен кошумча чыгымдарын да эске алышы керек.
Кен казуу. Архив - Sputnik Кыргызстан, 1920, 18.01.2023
Профсоюз: Кыргызстандын тоо-кен тармагында олуттуу көйгөйлөр пайда болду
Жаңылыктар түрмөгү
0