https://sputnik.kg/20230118/kyrgyzstandyn-too-ken-tarmagynda-koygoylor-payda-boldu-1072119399.html
Профсоюз: Кыргызстандын тоо-кен тармагында олуттуу көйгөйлөр пайда болду
Профсоюз: Кыргызстандын тоо-кен тармагында олуттуу көйгөйлөр пайда болду
Sputnik Кыргызстан
Экологиялык экспертиза жүргүзүүнүн мөөнөтү дайыма кечиктирилери белгиленген. Процедуранын мөөнөтү үч айдан ашпашы керектигине карабастан, кээде 10 айга чейин... 18.01.2023, Sputnik Кыргызстан
2023-01-18T11:43+0600
2023-01-18T11:43+0600
2023-01-18T11:43+0600
кыргызстан
тоо-кен
алтын
профсоюз
https://sputnik.kg/img/104245/28/1042452887_0:505:4800:3205_1920x0_80_0_0_163361f4ee073bf411571d2e2491beef.jpg
БИШКЕК, 18-янв. — Sputnik. Кыргызстандын тоо-кен металлургиялык профсоюзуна (КТКМП) жана бир катар чарбалык бирикмелерге жер казынасын пайдаланууда көйгөйгө дуушар болгон адамдардан кайрылуулар келип түшүүдө.Профсоюз экологиялык экспертиза жүргүзүүнүн мөөнөтү дайыма созулуп, айрым учурларда 10 айга чейин кечигип жатканын билдирген. Ал эми жол-жобонун белгиленген мөөнөтү үч айдан ашпашы керек.Профсоюз "Кара-Балта тоо-кен комбинаты" ААКсына карата банкроттук процедурасы башталганын эскерткен. Президенттин былтыркы жылдын 26-октябрындагы жарлыгы менен Кыргызстандан алтын рудасын жана алтын концентратын экспорттоого тыюу салынган. Ошентип КТКМПга өлкөдө казылып алынган жана өндүрүлгөн алтын рудасын жана концентратын кайра иштетүүгө өзгөчө укук берилген."Банкроттук жол-жобосу мамлекет башчынын жарлыгын ишке ашырууга олуттуу кедергисин тийгизүүдө. Анын үстүнө үстүбүздөгү жылдын май айына чейин алтын рудаларынын жана концентраттарынын бардык түрүн кайра иштетүүгө мүмкүндүк берген өндүрүш ишканаларын куруп, ишке киргизүү реалдуу эмес экени айдан ачык. Жарлыкты жокко чыгаруу же анын күчүнө кирүү мөөнөтүн узартуу жана алтынды бөлүп чыгаруучу фабрикаларды куруу үчүн зарыл шарттарды түзүү керек", — деп белгилеген профсоюз.Мындай абал тармакты майнапсыз башкаруунун, мамлекеттик органдардын ишин начар координациялоонун натыйжасында келип чыкканы белгиленген. КТКМП Жаратылыш ресурстары, экология жана өнөр жай министрлиги чукул чараларды көрүшү керек деп эсептейт."Жер казынасын пайдалануучулардын ишмердүүлүгүн жөнгө салган ченемдик укуктук актылар алардын өзү менен талкууланып, макулдашылгандан кийин гана эксперттердин корутундусун эске алуу менен кабыл алынышы керек", — деп билдирген профсоюз.
https://sputnik.kg/20230113/too-ken-tarmagyndagy-koncepciya-1071978558.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, тоо-кен, алтын, профсоюз
кыргызстан, тоо-кен, алтын, профсоюз
Профсоюз: Кыргызстандын тоо-кен тармагында олуттуу көйгөйлөр пайда болду
Экологиялык экспертиза жүргүзүүнүн мөөнөтү дайыма кечиктирилери белгиленген. Процедуранын мөөнөтү үч айдан ашпашы керектигине карабастан, кээде 10 айга чейин созулуп кетет.
БИШКЕК, 18-янв. — Sputnik. Кыргызстандын тоо-кен металлургиялык профсоюзуна (КТКМП) жана бир катар чарбалык бирикмелерге жер казынасын пайдаланууда көйгөйгө дуушар болгон адамдардан кайрылуулар келип түшүүдө.
Профсоюз экологиялык экспертиза жүргүзүүнүн мөөнөтү дайыма созулуп, айрым учурларда 10 айга чейин кечигип жатканын билдирген. Ал эми жол-жобонун белгиленген мөөнөтү үч айдан ашпашы керек.
"Негизсиз терс корутундулар чыгарылып жатат. Документтерди кабыл алууда, отчёт тапшырууда, долбоорлорду оңдоодо жана толуктоодо бюрократизмге жана кошумча негизсиз талаптарга жол берилет", — деп айтылат маалыматта.
Профсоюз "Кара-Балта тоо-кен комбинаты" ААКсына карата банкроттук процедурасы башталганын эскерткен. Президенттин былтыркы жылдын 26-октябрындагы жарлыгы менен Кыргызстандан алтын рудасын жана алтын концентратын экспорттоого тыюу салынган. Ошентип КТКМПга өлкөдө казылып алынган жана өндүрүлгөн алтын рудасын жана концентратын кайра иштетүүгө өзгөчө укук берилген.
"Банкроттук жол-жобосу мамлекет башчынын жарлыгын ишке ашырууга олуттуу кедергисин тийгизүүдө. Анын үстүнө үстүбүздөгү жылдын май айына чейин алтын рудаларынын жана концентраттарынын бардык түрүн кайра иштетүүгө мүмкүндүк берген өндүрүш ишканаларын куруп, ишке киргизүү реалдуу эмес экени айдан ачык. Жарлыкты жокко чыгаруу же анын күчүнө кирүү мөөнөтүн узартуу жана алтынды бөлүп чыгаруучу фабрикаларды куруу үчүн зарыл шарттарды түзүү керек", — деп белгилеген профсоюз.
Мындай абал тармакты майнапсыз башкаруунун, мамлекеттик органдардын ишин начар координациялоонун натыйжасында келип чыкканы белгиленген. КТКМП Жаратылыш ресурстары, экология жана өнөр жай министрлиги чукул чараларды көрүшү керек деп эсептейт.
"Жер казынасын пайдалануучулардын ишмердүүлүгүн жөнгө салган ченемдик укуктук актылар алардын өзү менен талкууланып, макулдашылгандан кийин гана эксперттердин корутундусун эске алуу менен кабыл алынышы керек", — деп билдирген профсоюз.
