Ар бир пенде Кудай алдында жоопкер. Жээнбеков Дубайдагы жолугушуу боюнча үн катты

© Пресс-служба президента КР / Султан ДосалиевЭкс-президент Сооронбай Жээнбеков. Архив
Экс-президент Сооронбай Жээнбеков. Архив - Sputnik Кыргызстан, 1920, 21.02.2023
Жазылуу
Жээнбеков Атамбаев менен элдешкенин да тастыктады.
БИШКЕК, 21-фев. — Sputnik. Экс-президент Сооронбай Жээнбеков Дубайдагы жолугушуу тууралуу пикирин билдирди.
Ал Садыр Жапаров президент катары жолугушууну эл биримдигин бекемдөө максатында уюштурганын белгиледи.
“Ажо коомубузду “баланчанчы, түкүнчөнчү” деп бөлбөйлү деп чакырык таштап жатса, анын бул изги тилегин биз, албетте, колдодук. Баарыбыз тең, толук курамда, аягына чейин отуруп, ар бирибиз колдоо сөздөрүбүздү айттык. Кыргызстан эгемендүүлүккө жеткенден бери жакшысы менен жаманы жанаша жүрдү. Тарыхыбызда болуп өткөн кайгылуу окуялар ар бир кыргызстандыктын жеке тагдырына таасир эткен. Ошондуктан да бул жолугушуу коомчулук тарабынан ар кыл кабыл алынды. Эмоция менен айтылган ойлорго катар юридикалык өңүттө да баа берилүүдө”, — деди Жээнбеков.
Ошондой эле ал Жапаров Дубайдагы жолугушууга чейин Алмазбек Атамбаев экөөнү жолуктургандыгын да тастыктады.
“Ооба, экөөбүздү элдештирүү максатында президент бир столго отургузуп, жолуктурган. Экөөбүз тең өз пикирибизди айтып, аягында кол алышып, тараганбыз. Ар бир пенде Кудай алдында жоопкер... Баарыбызды биримдикке чакырып, президент өз милдетин аткарды. Эми биз да жаран катары милдеттерибизди аткаралы. Ырыс алды - ынтымак! Өлкөдөн өткөн дөөлөт жок. Жараткан Кудай элибизди, Кыргызстаныбызды колдосун!” — деп сөзүн жыйынтыктады экс-президент.
Белгилей кетсек, 18-февралда Садыр Жапаров мурдагы президенттерди бир дасторконго чогултканын, алар бири-бирин кечиришкенин маалымдаган. Жолугушуу БАЭнин Дубай шаарында өткөн. Бул окуя коомчулукта ача пикирлерди жаратып, түрдүү сындар да айтылууда.
УКМК төрагасы Камчыбек Ташиев. Архив - Sputnik Кыргызстан, 1920, 21.02.2023
Ташиев Дубайдагы жолугушуу жана Атамбаевдин бошотулушу боюнча пикирин айтты
Жаңылыктар түрмөгү
0