C.Жапаров Атамбаев менен Жээнбеков Дубайга барганга чейин эле элдешкенин айтты

© Пресс-служба президента КР / Султан ДосалиевКыргызстандын мурдагы президенттери Алмазбек Атамбаев жана Сооронбай Жээнбеков. Архив
Кыргызстандын мурдагы президенттери Алмазбек Атамбаев жана Сооронбай Жээнбеков. Архив - Sputnik Кыргызстан, 1920, 21.02.2023
Жазылуу
Экөө бир столго отуруп бири-бирин кечирип тараганы маалым болду.
БИШКЕК, 21-фев. — Sputnik. Мурдагы президенттерди Дубайга чогултардан мурда Бишкекте Сооронбай Жээнбеков менен Алмазбек Атамбаевди бир столго олтургузуп, экөөнү элдештиргенбиз деп мамлекет башчы Садыр Жапаров "Кабар" улуттук агенттигине берген маегинде билдирди.

"Экөө элдешип, бири-бирин кечиришип тараган. Андан кийин бардык мурдагы президенттерди чогулттук. Албетте, ар бири менен өз-өзүнчө сүйлөшүп, Дубайда жолугушабыз дегенбиз. Бири-бирине айткан жокпуз. Бул — чындык. Айтсак айрымдары келбей коет эле. Бирок бизде сыр маалыматты жашыра албайсың да. Кыргызстанда баары ачык. Арасында бардык президенттер чогулуп жатканын билип алгандар да бар экен. Ошентсе да баары келип беришти", — деди Жапаров.

Белгилей кетсек, 18-февралда Садыр Жапаров мурдагы президенттерди бир дасторконго чогултканын, алар бири-бирин кечиришкенин маалымдаган. Жолугушуу БАЭнин Дубай шаарында өткөн. Бул окуя коомчулукта ача пикирлерди жаратып, түрдүү сындар да айтылган.
Кийинчерээк Алмазбек Атамбаев да пикирин билдирип, аны Жапаров менен Ташиев мурдагы таарынычтарды унутуп, сүйлөшүү үчүн жолугушууга чакырганынан барып калганын айткан. Экс-президенттердин чогуларынан кабардар болбогонун, мындан улам аягына чейин отурбай чыгып кеткенин белгиледи. Ал эми Аскар Акаев баарын чогултуу демилгесин кубануу менен кабыл алганын билдирди.
Президенттин маалымат кызматынын жетекчиси Дайыр Орунбеков. Архив - Sputnik Кыргызстан, 1920, 20.02.2023
Орунбеков: экс-президенттердин чогулушун көпчүлүк кубануу менен талкуулап жатат
Жаңылыктар түрмөгү
0