Россия ТИМи Бразилиядагы башаламандыкты айыптады

© AFP / SERGIO LIMAБразилиядагы массалык башаламандыктын катышуучулары
Бразилиядагы массалык башаламандыктын катышуучулары - Sputnik Кыргызстан, 1920, 09.01.2023
Жазылуу
Таратылган билдирүүдө конституциялык түзүмдү бузууга аракет жасалгандыгы айтылган.
БИШКЕК, 9-янв. – Sputnik. Москва Бразилиянын оппозиция өкүлдөрүнүн кылгандарын сынга алат жана РФ ТИМи болуп өткөн окуялардын кесепетин жоюуга болот деп ишенет. Бул туурасында ТИМдин сайтында жазылган.
"Бразилия оппозициясынын 8-январдан тарта аталган өлкөнүн борбор калаасындагы мамлекеттик бийликтин имараттарын талкалаган радикалдык маанайдагы кадамдарын чечкиндүү сынга алабыз", — деп айтылат таратылган билдирүүдө.
Анда конституциялык түзүмдү бузууга аракет жасалгандыгы жана Бразилиянын 1-январда бийликке келген президенти Луис Инасиу Лула да Силвага колдоо көрсөтүлөрү айтылган.
"Анын беделин, элдин эрки жана мамлекетти башкаруудагы тажрыйбасына, өлкөнүн демократиялык негиздерине таянып окуянын кесепетин жоюуга болот деп ишенебиз", — деп кошумчалашкан министрликтен.
Андан сырткары, ири уюмдарга мүчө бул өлкөдө абал туруктуу болушу маанилүү экендигин белгилешкен.
"Стратегиялык өнөктөш, БРИКСтин, Жыйырмалык топтун мүчөсү болгон, учурда БУУнун Коопсуздук кеңешинин курамында турган Бразилияда ички саясий туруктуулуктун сакталышы маанилүү экендигине ынанабыз", — деп айтышкан РФ ТИМинен.
Бразилиянын мурдагы президенти Жаир Болсонарунун тарапташтары узаган жылдын соңунда президенттик шайлоонун жыйынтыгына ичи чыкпай митинг уюштурган. Жекшембиде Бразилиянын борборундагы Конгресстин имаратын басып алып, президенттин резиденциясына (Планалту сарайы) кирип барышканын, Жогорку сотту ээлешкенин ЖМКлар жазышты. Полиция митингчилерди өкмөттүк имараттардан кечинде гана тазалаганы, андан сырткары, баш-аягы 400гө чукул киши кармалганы маалымдалган.
Монголиянын борборундагы өкмөттүк сарайдын алдындагы митинг - Sputnik Кыргызстан, 1920, 13.12.2022
Монголия: өкмөт үйүнүн алдына митингчилерге боз үй тигип беришти
Жаңылыктар түрмөгү
0