Министрлик: алкоголдук ичимдик 60 түрдүү ооруну пайда кылат

© Sputnik / Михаил Фомичев / Медиабанкка өтүүЖаңы жылдан кийин эртең менен адам. Архив
Жаңы жылдан кийин эртең менен адам. Архив - Sputnik Кыргызстан, 1920, 01.01.2023
Жазылуу
НовостиTelegram
Австралиялык окумуштуулар спирт ичимдигин жумасына 2-3 жолу ичкен адамдын мээсинин көлөмү кичирейип кеткенин байкашкан.
БИШКЕК, 1-янв. — Sputnik. Саламаттык сактоо министрлиги спирт ичимдиктери адам организминде 60 түрдүү ооруну пайда кыларын эскертти. Мекеме жаңы жылдан тартып ден соолукка кам көрүү үчүн мындай эски адаттан арылууга чакырган.
Министрликтен спирт ичимдигин "аз эле ичип коём, анын зыяны жок" деп ойлогондор жаңылышарын айтты.
"Алкоголдун коопсуз дозасы жок. Ар бир ичилген рюмка организмди катуу кыйнап, анын иштешин бузат. Спирт ичимдигинен бардык органдар жана организмдеги системалар жабыркайт. Өзгөчө мээ катуу кыйналат. Кандай доза жана кандай гана спирт ичимдиги болбосун баш мээнин кыртышындагы клеткалардын кыскарышына алып келет. Мисалы, 40 градустук 100 мл алкоголь мээнин сыртындагы боз заттын 1000 клеткасын өлтүрөт. Бул клетка кайра калыбына келбейт, заара менен кошо чыгып кетет", — деп айтылат маалыматта.
Саламаттык сактоо министрлиги австралиялык окумуштуулар аптасына 2-3 жолу ичкен адамдын мээсинин көлөмү акырындык менен кичирейип кеткенин аныкташкандыгын белгилеп, бул акыл-эстин начарлашына кептей турганын кошумчалады. Спирт ичимдигин ичкен сайын түрдүү илдет менен ооруп калуу коркунучу ошончолук жакындап жатканын түшүнүү зарыл дешти мекемеден.
Алкоголдук ичимдиктин бөтөлкөсү бар адам. Иллюстративдик сүрөт - Sputnik Кыргызстан, 1920, 18.10.2022
Арактын кесепетин жетиштүү турмуштагы эмес, жакыр бүлөлөр көп тартары айтылды
Жаңылыктар түрмөгү
0