Кытайда COVID-19дун туу чокусуна январь айында жетиши мүмкүн

© AFP 2023 / JADE GAOПекиндеги COVID-19 пандемиясынын учурунда тез жардам кызматкерлери бейтапты ооруканага жеткирип жатышат
Пекиндеги COVID-19 пандемиясынын учурунда тез жардам кызматкерлери бейтапты ооруканага жеткирип жатышат - Sputnik Кыргызстан, 1920, 24.12.2022
Жазылуу
Азыр Кытайда үстөмдүк кылып жаткан омикрон вариантынын өтө жугуштуу экенин эске алганда, инфекциянын кескин көбөйүшү күтүлүүдө.
БИШКЕК, 24-дек. — Sputnik. Кытайда COVID-19дун туу чокусу январь айынын башына туура келиши мүмкүн. Бул тууралуу жергиликтүү South China Morning Post басылмасы эпидемиологдорго таянуу менен жазды.
"Менин оюмча, өлкөдө оорунун туу чокусу январдын башында болот. Кээ бир шаарлар, мисалы, Пекин, мындай абалдан өтүп кеткен", — деди Гонконг университетинин Коомдук саламаттыкты сактоо мектебинин профессору, эпидемиолог Бен Коулинг.
Басылманын маалыматы боюнча, азыр Кытайда үстөмдүк кылып жаткан омикрон вариантынын өтө жугуштуу экенин эске алганда, инфекциянын кескин көбөйүшү күтүлүүдө.
Фудан университетинин Хуашань ооруканасынын жугуштуу оорулар бөлүмүнүн башчысы Чжан Вендун Шанхайда оорунун туу чокусу бир жуманын ичинде болорун, андан кийин эпидемия дагы бир-эки айга созуларын божомолдоп жатат.
Жума күнү Bloomberg бул жумада Кытайда бир күндө 37 миллионго жакын адам коронавирусту жуктуруп алышы мүмкүн деп билдирген.
Кытайдын саламаттыкты сактоо боюнча улуттук комиссиясынын атын атагысы келбеген мүчөсү декабрь айынын 20 күнүндө 248 миллионго чейин адам же калктын дээрлик 18 пайызы коронавирус жуктуруп алганын айткан.
Кабулдары ооруканадагы жарандар. Архив - Sputnik Кыргызстан, 1920, 21.12.2022
Афганистанда белгисиз оорунун очогу катталды
Жаңылыктар түрмөгү
0