https://sputnik.kg/20221208/kyrgyzstan-baaluu-metall-rynok-chygaruu-1070847568.html
Лондондо Кыргызстандын баалуу металлдарын дүйнөлүк рынокко чыгаруу талкууланды
Лондондо Кыргызстандын баалуу металлдарын дүйнөлүк рынокко чыгаруу талкууланды
Sputnik Кыргызстан
Улуу Британиядагы жолугушууда тараптар Кыргызстандын баалуу металлдарын дүйнөлүк, анын ичинде британиялык рынокко чыгаруу маселесин талкуулашты. 08.12.2022, Sputnik Кыргызстан
2022-12-08T23:24+0600
2022-12-08T23:24+0600
2022-12-08T23:30+0600
кыргызстан
алтын
биржа
лондон
делегация
кыргызалтын
https://sputnik.kg/img/07e6/0c/08/1070846757_0:326:960:866_1920x0_80_0_0_52bd101acddabf5f747f94b3f75547de.jpg
БИШКЕК, 8-дек. — Sputnik. Министрлер кабинетинин төрагасынын орун басары Эдил Байсалов баш болгон Кыргызстандын делегациясы Лондондун баалуу металлдар рыногунун ассоциациясынын (LBMA) президенти Пол Фишер жана уюмдун аткаруучу директору жана башкы юристи Сахила Мирза менен сүйлөшүүлөрдү өткөрдү.Улуу Британиядагы жолугушууда тараптар Кыргызстандын баалуу металлдарын дүйнөлүк, анын ичинде британиялык рынокко чыгаруу маселесин талкуулашты.Кыргыз тарап жергиликтүү алтындын дүйнөлүк рынокто сатылуусун кайрадан жандантуу жана соода-экономикалык кызматташтыктын көлөмүн жогорулатуу маанилүү экендигин белгилеген.LBMA уюмунун адистери Кыргызстандын делегациясы үчүн рыноктун бардык катышуучулары колдонгон талаптар жана принциптер тууралуу маалымат семинарын өткөрүштү. Анда LBMAнын атайын жумушчу тобу тарабынан баалуу металлдар рыногун көзөмөлдөөнүн натыйжалуу кодекси иштелип чыкканы айтылган. Бул кодекс уюмдун бардык мүчөлөрүнө жана Good delivery ("Ишенимдүү жеткирүү") статусуна ээ болгон өлкөлөргө тиешелүү экендиги айтылган.Кыргызстандан барган делегациянын курамына министрлер кабинетинин төрагасынын орун басары Эдил Байсалов, Улуттук банктын төрагасы Кубанычбек Боконтаев, “Кыргыз алтын” ишканасынын башкармасынын төрагасы Эльдияр Калдарбеков жана каржы министринин биринчи орун басары Улан Даникеев кирген.Бул иш сапардын алкагында эки тараптык жолугушуулар, ошондой эле ири банктык корпорациялардын жана каржы институттарынын өкүлдөрү менен болгон кеңешмелер өтөт.Кыргызстан акыркы жылдары алтындын негизги көлөмүн LBMA аркылуу сатып келген, бирок 2021-жылдын июнь айынан баштап (“Кумтөрдө” тышкы башкаруу киргизилгенден кийин) жеткирүү токтогон. Май айында министрлер кабинетинин маалымат кызматы “Кыргыз алтын” кайрадан Лондон фондулук биржасында ишенимдүү камсыздоочу статусун алганын билдирген. Бирок бул LBMA аркылуу алтынды сатууну калыбына келтирүүгө азырынча жардам бере элек.
https://sputnik.kg/20220505/kyrgyz-altyn-lbma-ishenimduu-kompaniya-status-1064154029.html
лондон
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, алтын, биржа, лондон, делегация, кыргызалтын
кыргызстан, алтын, биржа, лондон, делегация, кыргызалтын
Лондондо Кыргызстандын баалуу металлдарын дүйнөлүк рынокко чыгаруу талкууланды
23:24 08.12.2022 (Жаңыртылды: 23:30 08.12.2022) Улуу Британиядагы жолугушууда тараптар Кыргызстандын баалуу металлдарын дүйнөлүк, анын ичинде британиялык рынокко чыгаруу маселесин талкуулашты.
БИШКЕК, 8-дек. — Sputnik. Министрлер кабинетинин төрагасынын орун басары Эдил Байсалов баш болгон Кыргызстандын делегациясы Лондондун баалуу металлдар рыногунун ассоциациясынын (LBMA) президенти Пол Фишер жана уюмдун аткаруучу директору жана башкы юристи Сахила Мирза менен сүйлөшүүлөрдү өткөрдү.
Улуу Британиядагы жолугушууда тараптар Кыргызстандын баалуу металлдарын дүйнөлүк, анын ичинде британиялык рынокко чыгаруу маселесин талкуулашты.
Кыргыз тарап жергиликтүү алтындын дүйнөлүк рынокто сатылуусун кайрадан жандантуу жана соода-экономикалык кызматташтыктын көлөмүн жогорулатуу маанилүү экендигин белгилеген.
LBMA уюмунун адистери Кыргызстандын делегациясы үчүн рыноктун бардык катышуучулары колдонгон талаптар жана принциптер тууралуу маалымат семинарын өткөрүштү. Анда LBMAнын атайын жумушчу тобу тарабынан баалуу металлдар рыногун көзөмөлдөөнүн натыйжалуу кодекси иштелип чыкканы айтылган. Бул кодекс уюмдун бардык мүчөлөрүнө жана Good delivery ("Ишенимдүү жеткирүү") статусуна ээ болгон өлкөлөргө тиешелүү экендиги айтылган.
Кыргызстандан барган делегациянын курамына министрлер кабинетинин төрагасынын орун басары Эдил Байсалов, Улуттук банктын төрагасы Кубанычбек Боконтаев, “Кыргыз алтын” ишканасынын башкармасынын төрагасы Эльдияр Калдарбеков жана каржы министринин биринчи орун басары Улан Даникеев кирген.
Бул иш сапардын алкагында эки тараптык жолугушуулар, ошондой эле ири банктык корпорациялардын жана каржы институттарынын өкүлдөрү менен болгон кеңешмелер өтөт.
Кыргызстан акыркы жылдары алтындын негизги көлөмүн LBMA аркылуу сатып келген, бирок 2021-жылдын июнь айынан баштап (“Кумтөрдө” тышкы башкаруу киргизилгенден кийин) жеткирүү токтогон. Май айында министрлер кабинетинин маалымат кызматы “Кыргыз алтын” кайрадан Лондон фондулук биржасында ишенимдүү камсыздоочу статусун алганын билдирген. Бирок бул LBMA аркылуу алтынды сатууну калыбына келтирүүгө азырынча жардам бере элек.
