Айдоочу кымыз же арак ичкенин билсе болобу? Депутатка ЖКККББ башчысы жооп берди

© Фото / пресс-служба Жогорку КенешаЖол кыймылы коопсуздугун камсыздоо башкы башкармалыгынын жетекчиси Азамат Исраилов. Архив
Жол кыймылы коопсуздугун камсыздоо башкы башкармалыгынын жетекчиси Азамат Исраилов. Архив - Sputnik Кыргызстан, 1920, 07.12.2022
Жазылуу
Башкы жол инспектору мас же соо деген эле бүтүм чыгаруу мүмкүн экенин айтты.
БИШКЕК, 7-дек. — Sputnik. Жогорку Кеңештин депутаты Нуржигит Кадырбеков рулда отурган айдоочунун арак же кымыз ичкенин аныктоого мүмкүнчүлүк барбы деп сурады.
"Мас абалында унаа айдагандарга эч кандай аёо болбошу керек. Ал туура. Бирок дагы кыргыздын жакшы көргөн ичимдиги — бул кымыз. Арак адамды өлтүрөт, кымыз ден соолукка аябай пайда. Сиздерде ошол экөөнү айырмалап бүтүм чыгарып бере тургандай техникалык мүмкүнчүлүктөр барбы? Текшергенде бул кымыз, тиги арак ичкен деп чыгара тургандай", — деди Кадырбеков.
Жол кыймылы коопсуздугун камсыздоо башкы башкармалыгынын жетекчиси Азамат Исраилов мындай мүмкүнчүлүк жок экенин айтты.
"Ичимдик ичкен-ичпегенин бизге Наркология борбору аныктап берет. Ал жакта мас же соо деп эки эле бүтүм чыгат. Мынча грамм ичкен, коньяк, арак же кымыз ичкен деп чыкпайт", — деди Исраилов.
Кыргызстандын жаранынын паспорту. Архив - Sputnik Кыргызстан, 1920, 18.11.2022
Санариптик документтер юридикалык мааниге ээ болот. Жапаров чечимди жактырды
Жаңылыктар түрмөгү
0