Бишкек менен Москва Кыргызстанга атомдук станция куруу боюнча келишимге кол койду

© Sputnik / Евгений Биятов / Медиабанкка өтүүРоссиянын "Росатом" мамлекеттик корпорациясы. Архив
Россиянын Росатом мамлекеттик корпорациясы. Архив - Sputnik Кыргызстан, 1920, 22.11.2022
Жазылуу
Буга чейин атомдук станция куруу боюнча кызматташуу меморандуму кабыл алынган.
БИШКЕК, 22-ноя. — Sputnik. Россиянын Сочи шаарында "Атомэкспо" форуму өтүп, анда Кыргызстандын Энергетика министрлиги менен Россиянын "Русатом Энержи Проджект" (Росатом) ААКы кызматташуу тууралуу келишимге кол коюшту. Бул тууралуу министрликтин маалымат кызматы билдирди.
"Келишимде Бишкек менен Москва Кыргызстанда кубаттуулугу чакан атомдук электр станциясын куруу боюнча долбоордун болжолдуу негиздемесинин техникалык тапшырмасы тууралуу жазылган", — деп айтылат кабарда.
Документке кыргыз тараптан энергетика министри Таалайбек Ибраев, ал эми Россия тараптан ишкана өкүлү Андрей Рождествин кол койгон.
Буга чейин Россиянын "Росатом" мамлекеттик корпорациясы менен Кыргызстандын Энергетика министрлигинин ортосунда КР аймагында төмөн кубаттуулуктагы атомдук станция курууда кызматташуу боюнча меморандум кабыл алынган.
Россиянын Кыргызстандагы элчиси Николай Удовиченко  - Sputnik Кыргызстан, 1920, 09.02.2022
Пресс-борбор
Россиянын элчиси Кыргызстанда АЭС куруу маселеси боюнча комментарий берди
Жаңылыктар түрмөгү
0