Классикалык чыгармаларды угуңуз! Бишкекте акысыз концерт өтөт

© Sputnik / Владимир Песня / Медиабанкка өтүүКлассикалык музыканын концерти. Архив
Классикалык музыканын концерти. Архив - Sputnik Кыргызстан, 1920, 17.11.2022
Жазылуу
НовостиTelegram
Улуттук филармониянын кичи залында Чайковский, Пескин, Россин, Равель өңдүү композиторлордун чыгармалары жаңырмакчы.
БИШКЕК, 17-ноя. — Sputnik. "Русский дом" ордо калаада россиялык музыканттардын катышуусу менен классикалык музыка концерти болорун кабарлады.
"19-ноябрда Улуттук филармониянын кичи залында Чайковский, Пескин, Россин, Равель өңдүү композиторлордун чыгармалары жаңырмакчы. Ошондой эле эл аралык сынактардын лауреаттары болгон Алексей Иванов (труба), Алексей Шипунов (кларнет), Александр Папушев (скрипка), Ярослав Коваленко (фортепиано) жана Даниил Зимин (виолончель) аткаруусуна күбө болосуздар", — деп жазылат маалыматта.
Ушул эле күнү Кыргыз улуттук консерваториясында Санкт-Петербург музыка үйүнүн педагогу, Санкт-Петербург мамлекеттик консерваториясынын профессору, пианист Леонид Зайчик мастер-класс өткөрөт.
Концертти Россиянын Маданият министрлиги, Бишкектеги "Русский дом" (Россотрудничество) уюму уюштурмакчы, кирүү акысыз.
Ош облусунда 60 мугалим квалификациясын жогорулатуу үчүн Россиянын Герцен атындагы Мамлекеттик педагогикалык университетинен келген адистердин курстарынан өттү - Sputnik Кыргызстан, 1920, 10.11.2022
Россиядан келген адистер Ошто 60 мугалимдин квалификациясын жогорулатты
Жаңылыктар түрмөгү
0