Дем алыш күндөрү Бишкекте гимнастика боюнча турнир өтөт

© Sputnik / Александр Вильф / Медиабанкка өтүүКөркөм гимнастика боюнча мелдештер
Көркөм гимнастика боюнча мелдештер - Sputnik Кыргызстан, 1920, 28.10.2022
Жазылуу
Мелдештин расмий ачылышы 29-октябрда саат 11:00дө башталат.
БИШКЕК, 28-окт. — Sputnik. Бишкекте Кыргызстандын командаларынын арасында көркөм гимнастика жана эстетикалык топтук гимнастика боюнча "Алтын жалбырак" аттуу күзгү квалификациялык турнир өтөт. Бул туурасында Дене тарбия жана спорт департаменти билдирди.
Маалыматка ылайык, көркөм гимнастика боюнча мелдештерге 300дөн ашуун 2016-жылы туулган жана андан улуу гимнасттар катышат. Ал эми 2017 жана 2018-жылы туулган гимнасттар бул мелдеште "Биринчи старт" деп аталган предметсиз биринчи көнүгүүлөрү менен чыгышат.
Өлкөнүн бардык аймактарынан келген эстетикалык гимнастика командалары ар кандай программаларда жана курактарда квалификациялык өнөрлөрүн көрсөтмөкчү.
Мелдештер "Фэмили спорт" спорт клубунда 28-30-октябрь күндөрү өтөт. Расмий ачылышы 29-октябрда саат 11:00дө башталат.
"Алтын жалбырак" турнири Көркөм гимнастика жана Эстетикалык топтук гимнастика федерациялары тарабынан өткөрүлөт.
Ирландиянын улуттук бий шоусу кыргызстандыктарга өнөрүн тартуулайт - Sputnik Кыргызстан, 1920, 26.10.2022
Ирландиянын улуттук бий шоусу кыргызстандыктарга өнөрүн тартуулайт
Жаңылыктар түрмөгү
0