КМШ өкмөт башчыларынын жыйынында кол коюлган документтер. Тизме
16:59 28.10.2022 (Жаңыртылды: 17:21 28.10.2022)
© Фото / пресс-служба кабинета министров КР
Жазылуу
Кеңештин жыйыны Казакстандын ордо калаасында өттү.
БИШКЕК, 28-окт. — Sputnik. Астана шаарында КМШ өкмөт башчыларынын кезектеги жыйыны өтүп, жыйынтыгында бир катар документтерге кол коюлду.
Эскерте кетсек, Кыргызстандан иш-чарага министрлер кабинетинин төрагасы Акылбек Жапаров катышты.
Документтердин тизмеси:
Кызмат көрсөтүүлөрдүн эркин соодасы, инвестицияларды түзүү, ишмердүүлүк жана аны ишке ашыруу жөнүндө макулдашуу;
Көз карандысыз мамлекеттер шериктештигинин Өкмөт башчылар кеңешинин кезектеги жыйынын өткөрүү жөнүндө;
Беларусь Республикасында 2023-жылы КМШ өлкөлөрүнүн II оюндарын өткөрүү жөнүндө;
КМШга мүчө мамлекеттердин санитардык-эпидемиологиялык мүнөздөгү калктын саламаттыгын сактоо жаатындагы өзгөчө кырдаалдарды алдын алуу жана ага жооп кайтаруу боюнча кызматташтыгы жөнүндө макулдашуу;
КМШга мүчө мамлекеттердин илимий-техникалык жана технологиялык кызматташтыгынын концепциясы жана аны ишке ашыруу боюнча иш-чаралардын планы;
КМШга мүчө мамлекеттердин химиялык комплексинин тармактарын санариптик трансформациялоо концепциясы жана аны ишке ашыруу боюнча артыкчылыктуу иш-чаралардын планы;
КМШга мүчө мамлекеттердин 2023-2026-жылдарга мамлекеттер аралык радионавигация программасы;
"Уран казып алуу өндүрүшүнөн жапа чеккен мамлекеттердин аймактарын рекультивациялоо" Мамлекеттер аралык максаттуу программа;
2030-жылга чейинки мезгилге КМШга мүчө мамлекеттердин инновациялык кызматташтыгынын мамлекеттер аралык программасына юридикалык жана жеке жактарды аккредитациялоонун тартиби жана катышуусунун шарттары жөнүндө жобо;
КМШда 2023-жылы орус тили улуттар аралык баарлашуунун тили катары жылын өткөрүү боюнча иш-чаралардын планы;
КМШга мүчө мамлекеттердин 2023–2024-жылдарга гуманитардык кызматташуу жаатындагы артыкчылыктуу иш-чаралардын планы;
КМШга мүчө мамлекеттердин микробго каршы дары-дармектерге туруктуулукка каршы күрөшүү боюнча биргелешкен аракеттеринин планы;
КМШга мүчө мамлекеттердин 2030-жылга чейинки мезгилге инновациялык кызматташуусунун мамлекеттер аралык программасынын оператору жөнүндө жобо;
КМШ органдарынын ишин финансылык жактан камсыз кылуу жөнүндө.
