Балбак Түлөбаев министр болчу талапкерлерге камалып кетпөө үчүн кеңеш айтты

© Фото / пресс-служба Жогорку КенешаЖК депутаты Балбак Түлөбаев. Архив
ЖК депутаты Балбак Түлөбаев. Архив - Sputnik Кыргызстан, 1920, 06.10.2022
Жазылуу
Депутат алар камалганда президент да, өкмөт башчы да, депутаттар дагы жардам бербей, жалгыз каларын эскертти.
БИШКЕК, 6-окт. — Sputnik. Силердин эки эле жолуңар бар — таза иштесеңер андан ары өсүп-өнөсүңөр, болбосо камаласыңар. Мындай пикирин депутат Балбак Түлөбаев министрликке талапкерлерге айтты.
Эл өкүлү министрлер камалганда президент да, өкмөт башчы да, депутаттар дагы жардам бербей, жалгыз каларын эскертти.
"Таза иштейсиңер же камалып абийириңер төгүлөт, башка жолу жок. Ишенимди жоготуп жатасыңар, силер менен кошулуп биз дагы сынып жатабыз. Элдин шагын сындырбагыла. Тажрыйба болгону үчүн кеңешимди айтып жатам. Эгер таза иштебесеңер жаныңарда отургандар да сатат. Бир депутат же башка бирөө суранган адамды жумушка алып абийириңер төгүлбөсүн. Мен мэр, губернатор болгон үчүн айтып жатам", — деди Түлөбаев.
Маданият, маалымат, спорт жана жаштар саясаты министрлигине Алтынбек Максутов, билим берүү жана илим министрлигине Уланбек Мамбетакунов, энергетика министрлигине Таалайбек Ибраев, транспорт министрлигине Тилек Текебаев сунушталган.
Билим берүү жана илим министри кызматына талапкер Уланбек Мамбетакунов  - Sputnik Кыргызстан, 1920, 06.10.2022
Билим берүү министри болчу Мамбетакунов 12 жылдык окуу боюнча пикирин айтты
Жаңылыктар түрмөгү
0