Бишкек — Ош унаа жолундагы тоннелден өтүү акысын жогорулатуу сунушталды

© Sputnik / Табылды КадырбековБишкек — Ош унаа жолундагы тоннель. Архив
Бишкек — Ош унаа жолундагы тоннель. Архив - Sputnik Кыргызстан, 1920, 07.09.2022
Жазылуу
Тарифтерди кайра карап чыгуунун бир нече себеби аталды.
БИШКЕК, 7-сен. — Sputnik. Транспорт жана коммуникация министрлигине караштуу Жол фонду Бишкек — Ош трассасындагы тоннель аркылуу жүрүү акысын көтөрүүнү сунуштап жатат. Бул боюнча министрлер кабинетинин токтомунун долбоору коомдук талкууга коюлду.
Sputnik Кыргызстан агенттигине Жол фондусунан тарифтер 2004-жылы бекитилип, андан бери кайра каралбай келгенин айтышты.
"Төө-Ашуудагы тоннелдин абалын эске алуу менен тарифти жогорулатуу чечими кабыл алынды", — деп түшүндүрдү фонддон.

Бааларды кантип өзгөртүү керек?

жеңил унаалар, микроавтобустар, жолтандабастар – 45 сом болчу, эми 50 сом болот. Чет элдик номерлери бар унаалар үчүн жол кире 5 доллар бойдон калууда;
кичи автобустар жана жүк көтөрүмдүүлүгү үч тоннага чейин — мурда 75 сом болчу, эми 100 болуп калат. Чет элдик номерлүү унаалар үчүн 10 долларлык тариф сакталып турат;
22 орунга чейинки автобустар – 125 сом болчу, 150 сом болот. Чет элдик унаалар үчүн 20 долларлык жол кире ошол бойдон калууда;
22ден 32 орунга чейинки автобустар жана жүк көтөрүмдүүлүгү 10 тоннага чейин автоунаалар – 250 сом болчу, 300 сом болот. Чет элдик унаалар үчүн 40 долларлык чек сакталган;
32 орундуктан жогору автобустар жана 25 тоннага чейинки жүк ташуучу унаалар үчүн акы — 350 сом. Фонддон түшүндүргөндөй, буга чейин аталган категорияда тарифтерди бөлүштүрүү автоунаанын жүк көтөрүмдүүлүгүнө жараша эсептелген. Максималдуу тариф 275 сом (10 тоннадан жогору) болчу.
Жүк көтөрүмдүүлүгү 25 тоннадан ашкан унаа үчүн эми 400 сомдон төлөнүшү керек. Чет элдик (25 тоннадан ашкан) жүк ташуучу унаалар үчүн 80 доллар өлчөмүндөгү жаңы тарифти бекитүү пландалууда.
Унаага келген айып пулду текшерүү. Архивдик сурөт - Sputnik Кыргызстан, 1920, 05.09.2022
Айдоочуларга кулак кагыш! Бүт маалыматты ачыктаган "Төлөм" кызматы иштөөдө
Жаңылыктар түрмөгү
0