Айдоочуларга кулак кагыш! Бүт маалыматты ачыктаган "Төлөм" кызматы иштөөдө

© Sputnik / Табылды КадырбековУнаага келген айып пулду текшерүү. Архивдик сурөт
Унаага келген айып пулду текшерүү. Архивдик сурөт - Sputnik Кыргызстан, 1920, 05.09.2022
Жазылуу
НовостиTelegram
Кызмат аркылуу машинанын издөөдө жүргөндүгү, жасалма же жалган номер тагылгандыгы, төлөнбөй жүргөн айып пулдардын бар-жогу текшерилет.
БИШКЕК, 5-сен. — Sputnik. Жол эрежесин бузган айдоочулар тууралуу маалымат берген "Төлөм" кызматы иштөөдө. Бул тууралуу Милициянын кайгуул кызматынын маалымат катчысы Байказы Айтикул уулу кабарлады.
Анын айтымында, "Төлөм" кызматы Башкы прокуратура тарабынан иштелип чыккан. Планшетке орнотулган тиркемеден айдоочулардын атын-жөнүн тастыктаган документ жана автоунаанын мамлекеттик номери аркылуу машинанын издөөдө жүргөндүгүн, жасалма же жалган номер тагып алганын, терезелерин мыйзамсыз караңгылатканын, ошондой эле төлөнбөй жүргөн айып пулдары бар-жогу текшерилет.
"Адатта жол эрежеси бузулганда кызматкерлер айдоочулардын күбөлүгүн албай эле протокол түзөт. Бирок айдоочулар муну оңой ойлоп, такыр эле документи жок автоунаа башкарып, терезелерин мыйзамсыз караңгылатып, анын кесепетинен жол кырсыктары жаралган фактылар кездешүүдө. Эми айдоочу жол эрежесин бузса, протокол толтуруу менен анын буга чейинки укук бузуулары "Төлөм" кызматы аркылуу текшерилип, чара көрүлөт", — деди Айтикул уулу.
Буга чейин жол эрежесин бузган айдоочудар жана айып пулун төлөбөгөндөр Укук бузуулар кодексинин 38-беренесине ылайык, автоунаа башкаруудан четтетилип, машинасы айып короого киргизиле турганы эскертилди.
Айдоочулук күбөлүк алуу үчүн экзамен учурунда. Архив - Sputnik Кыргызстан, 1920, 30.08.2022
Айдоочулук күбөлүк алуудагы экзамендердин суроолору жаңыртылды
Жаңылыктар түрмөгү
0