Автоунаа терезесин караңгылатуу акысынан бир айда 70 млн. сом түштү

© Фото / пресс-служба УОБДД по ГУВД Чуйской областиАвтоунаа терезесин караңгылатуу. Архивдик сүрөт
Автоунаа терезесин караңгылатуу. Архивдик сүрөт - Sputnik Кыргызстан, 1920, 09.08.2022
Жазылуу
НовостиTelegram
"Унаа" мекемеси 864 автоунаага уруксат кагазын берген.
БИШКЕК, 9-авг. — Sputnik. Автоунаалардын алдыңкы эшигинин терезелерин караңгылатууга уруксат берилген күндөн тартып өлкө бюджетине 70 миллион сомго чукул каражат түштү. Бул туурасында Ички иштер министрлиги билдирди.
"Унаа" мамлекеттик мекемеси 1-июндан 8-июлга чейин 864 автоунаага каптал айнектерин караңгылатууга уруксат кагазын берген. Андан түшкөн акча 69 740 000 сомду түзгөн. Дагы уруксат алууну каалаган айдоочулар болсо ортомчуларга алданбай түз эле "Унаанын" аймактык бөлүмдөрүнө жана секторуна кайрылуу сунушталды.
Белгилей кетсек, өлкөдө автоунаанын алдыңкы каптал айнектерин караңгылатууга 1-июндан тарта уруксат берилген. Ага ылайык, бир жылдык мөөнөткө жеке жактар 80 миң, юридикалык жактар 100 миң жана чет элдиктер 120 миң сом төлөп уруксат алат.
Автоунаа номерлери. Архив - Sputnik Кыргызстан, 1920, 19.07.2022
74,6 тонна! Жарактан чыккан автоунаа номерлерин сатууга аукцион жарыяланды
Жаңылыктар түрмөгү
0