Алайда сабалган бөбөк фостердик үй-бүлөгө жайгаштырылды

© AFP 2022 / TOBIAS SCHWARБөбөк. Архив
Бөбөк. Архив - Sputnik Кыргызстан, 1920, 28.06.2022
Жазылуу
Yandex newsTelegram
Кичинекейдин андан аркы тагдырын Алай райондук акимчилигинин балдар иштери боюнча комиссиясы карап чечмекчи.
БИШКЕК, 28-июн. — Sputnik. Алай районундагы Сары-Могол айылында таеже-таажездесинин колунда калып, зомбулукка кабылган үч жашар бөбөктүн абалы канааттандырарлык, учурда фостердик үй-бүлөгө жайгаштырылды. Бул туурасында Эмгек, социалдык жактан камсыздандыруу жана миграция министрлигинин маалымат кызматынан кабарлашты.
Эске салсак, Ош облустук милициясы Н. аттуу кичинекей бөбөктү энеси таежесине таштап кетип, ал ур-токмокко алынганын билдирип, чоо-жайын айткан. Баланын миграцияга кетти деген энеси менен тергөөчүлөр телефондон сүйлөшкөндүгүн маалымдаган. Учурда бул боюнча текшерүү иштерин Алай РИИБдин Тергөө кызматы жүргүзүп жатат.
"Райондук ооруканадан балага тиешелүү медициналык жардам көрсөтүлдү. Алай райондук Социалдык жактан камсыздоо башкармалыгынын буйругу менен бөбөк А.Албаеванын фостердик үйүнө жайгаштырылды. Учурда абалы канааттандырарлык", — деп айтылган маалыматта.
Таратылган маалыматта бөбөктүн андан аркы тагдырын Алай райондук акимчилигинин балдар иштери боюнча комиссиясы карап чечери кабарланган.
Бала. Архив - Sputnik Кыргызстан, 1920, 22.02.2022
Сокулукта сабалган бөбөк ооруканадан чыкты. Эми аны ким багат?
Жаңылыктар түрмөгү
0