Айнегин караңгылатып алган тракторчу 20 миң сом айыпка жыгылды. Видео

© Sputnik / Виталий Тимкив / Фотобанкка өтүүТракторист жумуш учурунда. Архив
Тракторист жумуш учурунда. Архив - Sputnik Кыргызстан, 1920, 23.06.2022
Жазылуу
Yandex newsTelegram
Июнь айынын башында республикада автоунаалардын алдыңкы каптал айнектерин акы төлөп караңгылатып жүрүүгө уруксат берген мыйзам кабыл алынган.
БИШКЕК, 23-июн. — Sputnik. Кыргызстанда тракторунун айнегин караңгылаткан айдоочуга 20 миң сом айып салынды.
Интернетте ноокаттык дыйкан мээ кайнаткан ысыктан сактануу үчүн тракторунун алдыңкы айнегин караңгылатып алган видео тарады.
"Парламентте иштегендер мыйзам жазат. Бул штрафты карагылачы? Жер салыгын азайталы дедиңер, жыйынтыгы ушулбу? Талаада иштеп жүргөндө күндөн калкаланайын деп муну чаптап алгам. Мен эмне муну тагып барып банкты тономок белем? Бул үчүн МАИчилер мага 20 миң сом айып салышты. Анын 6 миң сомун төлөдүм. Бул мыйзамды ким жазды? Кандай сабатсыз адам? Ушундай тонировка үчүн дагы 20 миң сом айып салса болобу?" — дейт айдоочу.
Июнь айынын башында республикада автоунаалардын алдыңкы каптал айнектерин акы төлөп караңгылатып жүрүүгө уруксат берген мыйзам кабыл алынган. Мыйзамсыз караңгылаткандар айыпка тартылмакчы.
Жолдогу автоунаалар. Архив - Sputnik Кыргызстан, 1920, 20.06.2022
Жол белгилери менен чийиндерге көңүл бурушпайт. Айдоочулар бузган эрежелер
Жаңылыктар түрмөгү
0