ЕАЭБ туруктуулугун көрсөттү. Жапаровдун Петербург экономикалык форумундагы сөзү
18:32 17.06.2022 (Жаңыртылды: 18:35 17.06.2022)
© Пресс-служба правительства / Алишер Алиев
Жазылуу
Министрлер кабинетинин төрагасы Санкт-Петербург экономикалык форумунун экономикалык маселелер боюнча пикир алмашуунун эл аралык маанилүү аянтчасы экенин белгиледи.
БИШКЕК, 17-июн. — Sputnik. Евразиялык бирикмеге кирген өлкөлөрдүн экономикасына тышкы фактордун таасирин азайтуу үчүн жаңы ыкмаларды жана көз караштарды иштеп чыгуу менен биргелешкен чараларды көрүү зарыл. Бул тууралуу министрлер кабинетинин төрагасы Акылбек Жапаров Петербургдагы XXV эл аралык экономикалык форумдун "Евразиялык экономикалык биримдик: интеграциянын жаңы сапаты" панелдик сессиясында билдирди.
1/2
© Пресс-служба правительства / Алишер Алиев
Евразиялык бирикмеге кирген өлкөлөрдүн экономикасына тышкы фактордун таасирин азайтуу үчүн жаңы ыкмаларды жана көз караштарды иштеп чыгуу менен биргелешкен чараларды көрүү зарыл
2/2
© Пресс-служба правительства / Алишер Алиев
Анын айтымында, Санкт-Петербург экономикалык форумунун өзүнүн жүзү, салты бар
1/2
© Пресс-служба правительства / Алишер Алиев
Евразиялык бирикмеге кирген өлкөлөрдүн экономикасына тышкы фактордун таасирин азайтуу үчүн жаңы ыкмаларды жана көз караштарды иштеп чыгуу менен биргелешкен чараларды көрүү зарыл
2/2
© Пресс-служба правительства / Алишер Алиев
Анын айтымында, Санкт-Петербург экономикалык форумунун өзүнүн жүзү, салты бар
Анын айтымында, Санкт-Петербург экономикалык форумунун өзүнүн жүзү, салты бар.
"Биринчи кезекте экономикалык маселелер боюнча пикир алмашуунун эл аралык маанилүү аянтчасы болуп калды. Учурдагы жөнөкөй дүйнөлүк экономикалык конъюнктура Евразия экономикалык биримдигинин бардык мүчө мамлекеттерине таасирин тийгизип, терс инвестициялык тенденция, экспорттун кыскарышы жана салттуу соода-экономикалык мамилелердин деформациясы менен мүнөздөлдү. Өсүп жаткан соода дисбаланстары жана инфляциялык басым макроэкономикалык туруксуздук коркунучуна алып келет", — деди Жапаров.
Ал терс өзгөрүүлөр жаңы мамилелерди, дүйнөлүк экономикалык өнүгүүгө жаңы көз караштарды иштеп чыгууну талап кыларын белгиледи.
"Бул тараптан алып караганда биздин интеграциялык бирикмебиз кризистик көрүнүштөрдү жеңүүдө өзүнүн туруктуулугун жана жөндөмдүүлүгүн көрсөткөнүн белгилеп кетүү кубанычтуу", — деди ал.
Жапаров белгилегендей, ЕАЭБге мүчө мамлекеттердин экономикасына тышкы фактордун таасирин азайтуу жана туруктуулукту камсыз кылуу максатында биргелешкен чараларды кабыл алуу зарыл.
© Пресс-служба правительства / Алишер Алиев
"Биздин бирикменин улуттук экономикасынын мүмкүнчүлүктөрүн жана атаандаштык артыкчылыктарын пайдалануу биринчи кезекте инновациялык жана жогорку технологиялык өндүрүш потенциалын стимулдаштырууну камтышы керек. Биргелешкен ишканаларды түзүү менен өнөр жай тармактарында гана реалдуу кооперациялык долбоорлорду ишке ашыруу эмес, интеграциялык бирикменин өлкөлөрүндө өндүрүлгөн товарларды экспорттоону колдоо жана илгерилетүү боюнча инструменттерди жана механизмдерди киргизүү зарыл", — деди ал.
Тармактык өндүрүш темасына тийиштүү министрлер кабинетинин төрагасы евразиялык интеграциянын мүмкүнчүлүктөрүн толук пайдалануу иретинде инвестициялык климатты жакшыртуу, ишкерлерди колдоо жана аларга дем берүү, ошондой эле тоскоолдуктарды жоюу боюнча натыйжалуу чараларды кабыл алуу зарылдыгын белгиледи.
