Гинеколог муздак сууга түшүү аялдын ден соолугуна кандай таасир этерин айтты

© Sputnik / Константин Михальчевский / Фотобанкка өтүүКыз муздак сууга түшкөн учурда. Архив
Кыз муздак сууга түшкөн учурда. Архив - Sputnik Кыргызстан, 1920, 29.05.2022
Жазылуу
Yandex newsTelegram
Адис муздак суу өзгөчө жаш кыз-келиндердин бөйрөк, табарсык, жатын моюнчаларына бычактай тиерин эскертти.
БИШКЕК, 29-май — Sputnik. Гинеколог Оксана Ардинцева суу жылый элек кезде көлгө түшүү кыз-келиндердин саламаттыгына кандай таасир этерин айтып берди. Дарыгердин пикирин "Известия" жазды.
"Май же июнь айында суу жакшы жылый элек кез болот. Бирок жаштар ага карабай эс алууга барганда түшө берет эмеспи. Бул туура эмес. Муздак суу өзгөчө жаш кыз-келиндердин бөйрөк, табарсык, жатын моюнчаларына бычактай тиет. Суук тийгизип алууга беш мүнөт жетиштүү", — деди Ардинцева.
Адистин айтымында, суудан кийин ооруп калбаш үчүн анын температурасы 18 градустан жогору болушу керек.
"Жаратылыш койнуна эс алууга чыкканда спирт ичимдиктерин ууртап-таткандарды дагы суудан алыс болууга чакырат элем. Анткени алкоголь адамды ысытат дагы, сууга түшкөн маалда үшүп жатканын сездирбей коёт. Демек, киши алданып, суукка урунуп калышы мүмкүн", — деди гинеколог.
Сөзүнүн соңунда адис муздак сууга түшкөн күндө дагы чыккан соң денени кургатып, жылуу кийинип алуу керектигин эскертти.
Сүт. Архив - Sputnik Кыргызстан, 1920, 17.05.2022
Диетолог сөөктүн иштөөсүн бузган үч суусундукту атады
Жаңылыктар түрмөгү
0