Эртеби-кечпи, жолугабыз! Акжол Махмудов Роман Власов менен беттеши жылганын билдирди

© Фото / United World WrestlingТокио Олимпиадасынын күмүш байге ээси Акжол Махмудов. Архив
Токио Олимпиадасынын күмүш байге ээси Акжол Махмудов. Архив - Sputnik Кыргызстан, 1920, 15.05.2022
Жазылуу
Yandex newsTelegram
Эки балбанды күрөштүрүү тууралуу кеп былтыр декабрда эле болгон. Январда Москвадан чогуу машыгуу өткөрүшкөн.
БИШКЕК, 15-май — Sputnik. Токио Олимпиадасынын күмүш байге ээси Акжол Махмудов Россиянын олимпиада чемпиону Роман Власов менен кармашы белгисиз убакытка жылганын билдирди. Муну ал социалдык тармактагы баракчасына жазды.

"Биздин кармашыбызды белгисиз убакытка жылдырышты. Эртеби-кечпи, спорт сүйүүчүлөрү үчүн баштаган ишти аягына чыгарышыбыз керек. Күйөрмандар үчүн көргөн көздүн моокумун кандырган беттеш тартуулашыбыз зарыл", — деп жазган балбан.

Ошондой эле Махмудов Власовго аны менен күрөшүү мүмкүнчүлүгүн колдон чыгарбоого кызыкдар экенин, балбанды жеңип өзү тууралуу дагы да жар салууну көздөп жатканын айткан.
Эки спортчунун кармашы эмнеге башка убакытка жылганы азырынча белгисиз.
Махмудов менен Власовду күрөштүрүү тууралуу кеп былтыр декабрда эле болгон. Январь айында Москвадан чогуу машыгуу өткөрүшкөн. Беттешти жазгыга пландап жатышкан.
Эскерте кетсек, эки спортчу тең грек-рим күрөшү боюнча эң күчтүү атаандаштык бар делген 77 килограмм салмактын балбандары.
32 жаштагы Роман Власов 2012-жылы Лондон жана 2016-жылы Рио Олимпиада оюндарынын алтын байгесин уткан. Үч жолку дүйнө чемпиону.
Ал эми 23 жаштагы Акжол Махмудов Токио Олимпиадасынын, 2018-жылдагы Азия оюндарынын күмүш байгесинин ээси. Эки жолку Азия чемпиону.
Профессионал боксчу Дмитрий Бивол  - Sputnik Кыргызстан, 1920, 12.05.2022
Балалыгым Токмокто өткөнү үчүн тагдырга ыраазымын. Дмитрий Биволдун маеги
Жаңылыктар түрмөгү
0