Метеорологдор: 2022-жылдан тарта жер бетинде 5 жылдык мээ кайнаткан ысык башталат

© AFP 2022 / JORGE GUERREROЫсык учурунда желдеткич менен кыз. Архив
Ысык учурунда желдеткич менен кыз. Архив - Sputnik Кыргызстан, 1920, 14.05.2022
Жазылуу
Yandex newsTelegram
Глобалдык температуранын жогорулап бара жатканын соңку дүйнөлүк жаңылыктардан эле байкоого болот.
БИШКЕК, 14-май — Sputnik. 2022-жылдан тарта Жер бетинде беш жылдык рекорддук ысык башталды. Бул тууралуу Дүйнөлүк метеорологиялык уюмдун жана Улуу Британиянын Metoffice мекемесинин отчётунда айтылат.
Алардын божомолуна ылайык, 2022-жылдан 2026-жылга чейин метеорологиялык байкоолор башталгандан берки эң ысык учур болот. Мындан улам абанын табы жер бетинде дагы 1,5 градуска көтөрүлүшү мүмкүн.
"1,5 градус кокусунан чыга калган сан эмес. Мындай болгондо климаттын кесепети адамдарга гана эмес, планета үчүн дагы ири зыян алып келет", — деди Дүйнөлүк метеорологиялык уюмдун башкы катчысы Петтери Таалас.
Глобалдык температуранын жогорулап бара жатканын соңку дүйнөлүк жаңылыктардан эле байкоого болот. Мисалы, акыркы бир нече ай ичинде Индия менен Пакистандын айрым жерлерин ысык толкун каптап, Ирак бийлиги мээ кайнаткан ысыктан улам жарандарын үйдөн чыкпоого чакырууда. Ал эми Чыгыш Антарктидада Нью-Йорктун көлөмүндөй болгон муз ысыктан улам сынып кетти.
Түштүк Африкада селден кийин учуру. Архив - Sputnik Кыргызстан, 1920, 29.04.2022
Жакынкы жылдары ааламда апааттардын саны өсөт. БУУнун билдирүүсү
Жаңылыктар түрмөгү
0