https://sputnik.kg/20220511/feliks-kulov-atasynyn-frontton-zhazgan-katy-1064304533.html

Душманды куйкалап сазды кечип жүрөм. Шаршенбай Куловдун фронттон жазган каты

Душманды куйкалап сазды кечип жүрөм. Шаршенбай Куловдун фронттон жазган каты

Sputnik Кыргызстан

Улуу Жеңиштин 77 жылдыгына карата Sputnik Кыргызстан агентиги кыргыз жоокерлеринин фронттон жазган каттарын сунуштоону улантат. 11.05.2022, Sputnik Кыргызстан

2022-05-11T12:57+0600

2022-05-11T12:57+0600

2022-05-11T15:08+0600

кыргызстан

улуу жеңиш

фронттон кат

https://sputnik.kg/img/07e6/05/0b/1064304504_0:198:3000:1886_1920x0_80_0_0_ee7e29c60c43b0ce8207cae0d441c238.jpg

Бул ирет Кыргызстандын мурдагы өкмөт башчысы Феликс Куловдун атасы Шаршенбай Куловдун "Советтик Кыргызстан" гезитинде эмгектенген Курмаш Кыдырбаевага жазган кагаздарын таап чыктык.Эске сала кетсек, Кулов 28-минометтук "Катюша" полкунда кызмат өтөп, Карельский, Волхомский фронтторунда болуп, душмандын сазайын берген куралды кайтарып советтик чекисттердин катарында жүргөн. Көптөгөн орден, медалдарга татыган ардагер 1945-жылы күзүндө мекенге кайтып келген. Кат жазылган 1942-жылы Шаршенбай Кулов 21 жашта эле.Каттын орфографиясы сакталды.Ж. Курмаш!!!1.6.42. Ленинград фронту.Мен ушул катты жазууга киришкенде токойдун ичи жым-жырт болучу. Антпесе самолеттун маторунун үнү, чатыраган, тарсылдаган үн дайым өкүм сүрүп турат.Фронт-фронт. Тынымсыз күрөш. Кез-кезинде (акулбайт) угабыз. Эмнесин айтайын, музыканын күүсүнүн алдында эрип эле жатып калабыз. Радио угабыз. Кино да болот.Турмуш жакшы. Ок-даары көп. Чечкиндүү майдан алдыда жатат. Ленин шаары бизди күтүп турат. Жакында немецтик курчоо бузулат. Ленинград жеңет.Согуш бүткөндөн кийин кышкы фронттун линиясына экскурсияга келгендер таңгалышар. Миңдеген жер там, чатыр, жыгачтан жасалган үй... Күрөштүн изи... Мына ушулар да бир-эки сап сөз менен болсо да тарыхта эскертилер.Биздин "шаарыбыз" бар. Мончо да жасап алганбыз. Жумшак жаздык ак шейшептин жоктугу болбосо, калгандары сонун. Фронттук турмушка көндүк. Минанын, снарядын, бомбанын жарылышы эми оңою менен чочута албайт.Өзүмдүн турмушумда өзгөрүүлөр жок. Баякы бырбыйган-тыртыйган Шаршенбай чыйралып бара жатыр. Чекистик кызматты аткарып, душманды куйкалап сазды кечип жүрөм.Мен сиздерди унутпайм. 25-мартта кат жазсам, алиге жообун ала албадым. Кай бир учурда эриккенден жазагалам.Газетага "Чачылгандын оту" жана "Браунинг" материал жибергем. Чыгарган, чыгарбаганыңыздарды билбейм. Фронтто убакыт кымбат деп чыгарсаңыздар ("эмгекти" эске алып) анда жаман болбос.Тема кой: "белек", "мөлтүргөн сулуу кыз", "Медин жана Айхан", "кымбатту секунддар".Азыр эки ыр жазымыш болуп отурам. ("бар үшкүрүк" жана "Кыргыз-боец") убакты керек. Антпесе мен "Кызыл Кыргызстандын" кашаң кабарчысы болуп бере алар элем.Жакында "Питерская Правдага" кат жибердим. Чыкса окуйсуздар. Чыкпаса чыкпай калат да.Курмаш, чын эле мага кат жазгыңыздар келбейби? Эң кур дегенде эсенчиликти билдирип турбайсызбы? Балким убакты "жоктур". Элде эмне жаңылык. Эмне сонундар бар?Курмаш, мен өтө таңгалам. Бешинчи ай болгонуна бүгүн 3 күн болду. Эч кимден кат ала элекмин. Бардыгы мен үчүн табышмак.Бирок, айткандур жыттуу гүлдөрүн жыттап койсом, ошол мага алтын баасы менен тең катар турат.Бош убактымда Фрунзе, Дзержинский көчөсү, бак, редакция эсиме түшөт. Далай элестер менин көзүмө бакырая гана карап турат.Курман, мен сиздин ишиңизге ийгиликти тилейм. Родинаны окупанттардан бошоткондон кийин, Шаршенбай калган Абузар сыяктуу жолдоштор менен барып калар.

https://sputnik.kg/20220510/kyrgyzstan-front-zhooker-zhenish-kat-1064282369.html

2022

Жаңылыктар

kg_KG

кыргызстан, улуу жеңиш, фронттон кат