Ушунча азапты тартып балдарды көрбөсөм арман ичте калат го... Фронттон кат

© Sputnik / Ольга ЛандерОкопто жоокерлер туугандарынын катын окуп жатышат. Архив
Окопто жоокерлер туугандарынын катын окуп жатышат. Архив - Sputnik Кыргызстан, 1920, 10.05.2022
Жазылуу
Быйыл Улуу Жеңиштин 77 жылдыгы дүйнөнүн бир топ жеринде белгиленүүдө. Буга байланыштуу Sputnik Кыргызстан агенттиги согушта эрдик көргөзгөн, эли-жери үчүн жарадар болгон, шейит кеткен жоокерлерди эскерип, алардын фронттон жазган каттарын окурмандарга сунуштайт.
Фронттон кат
© Фото / Центральный государственный архивФронттон кат
Письмо из фронта - Sputnik Кыргызстан, 1920, 10.05.2022
Каттын орфографиясы ошол боюнча берилди.

Амандык кат

Кымбаттуу иним Алиге, келиним Зайнатка, балдарым Жолдош, Тараз, Тамара жана башка ага-туугандарга алыс жерде алдыңкы катарда фронтовек болуп жүрүүчү мен Рыскулдан деп билерсиздер. Сиздердин аманчылыктарыңарды кече жакында катыңарды алып, билип чоң кубандым. Унутбасаңар ошентип кат жазып тургула.
Менин кыскача айтканда саламатчылыгым начар, эфазыма лехки, хранических бронхит, свежия малерия деген справка берген өзүмдү не к сторовай деп жазып, шондон бери Артелерияда иштеймин. Уруш жөнү болсо күн санап жылыштабыз, брок, өтө чыгым көб, өлгөнгө карабай алга беттеп эрдик менен барабыз. Брок канчалык жолдоштордон коштоштук. Уруштун түрү ушундай болсо Кудай блет сыздер менен менин көрүшүшүмдү
Иш ушундай болсо менимче Куда билет брак, ойлобоймун силерди көрөм деп. Убактылу кыйналыштабыз. Куда билет качан тынчырды, экинчи ойлоном уруш башындагы өлгөндөр абдан жакшы өлгөн эч кыйынчылыкты көргөнү жок. 2- айдабы 1 айдабы бүтөрбүз деп жанды таштай салып согушабыз. Бирок, тирү калганыбыз аз болуп калат. Ошончолук азапты тартып келип, акырында ага-туугандарды, балдарды көрбөй өлсөк арман ичте калат го. Бирок, эр башына күн түшсө өтүк менен су кечет, ат башына күн түшсө ооздук менен су ичет деп айткан лакапты башынан өткөргөн эрлер айтса керек. Азыр биз так ошолбуз. Чихды куткарып жатабыз. Руменди, Венкирди, Братславияны да куткарганбыз. Сөз менде жок, өзүңөрдөн болсун. Кошо, кош, балдарымдын бетинен мекин үчүн сүйүп кой деп агаң Рыскул.
п/п № 16560 "А" Турумбеков. 19/IV- 45г.
Тема боюнча:
Чегинген душмандын артынан бараткан кыргыз жоокер. Фронттон жазылган кат
Россиялык космонавттар Жеңиш туусун ачык космоско алып чыгышты. Видео
Улуу Ата Мекендик согушта дайынсыз кеткендерди издеген топтун ат көтөргүс иши
Жаңылыктар түрмөгү
0