https://sputnik.kg/20220407/sadyr-zhaparovdun-kajryluusu-1063463692.html
Анык баатырлар! Садыр Жапаров Апрель революциясына байланыштуу элге кайрылды
Анык баатырлар! Садыр Жапаров Апрель революциясына байланыштуу элге кайрылды
Sputnik Кыргызстан
Президент 2010-жылдын 7-апрелинде курман болгондордун элесине таазим кылган. 07.04.2022, Sputnik Кыргызстан
2022-04-07T10:31+0600
2022-04-07T10:31+0600
2022-04-07T10:31+0600
кыргызстан
садыр жапаров
кайрылуу
революция
https://sputnik.kg/img/07e5/04/1e/1052338058_94:0:2745:1491_1920x0_80_0_0_00d52f0a154722c849f81cd1abf0e0b8.jpg
БИШКЕК, 7-апр. — Sputnik. Мамлекет башчы Садыр Жапаров Апрель элдик революциясынын кезектеги жылдыгына карата Кыргызстан элине кайрылуу жасады.Президент ал окуянын натыйжасы мамлекеттин өнүгүүсүнө ишенимдүү кадам таштоо менен демократия принциптерин ишке ашыруу болгонун белгилеген.Мамлекет башчы эркиндик, акыйкаттык үчүн Апрель баатырларындай кара башын канжыгага байлоого даяр уул-кыздары турганда кыргыз эли адилеттүүлүккө болгон ишениминен эч качан ажырабай турганын кошумчалаган."Калкыбыздын аң-сезими өзгөрүп, өз тандоосунан тайбай жаркын келечекке багыт алды. Аксы окуясын, Март жана Апрель элдик революцияларын терең талдап, алардан сабак алып, элдин эркине каршы келген иш-аракеттерге жол бербейбиз. 2010-жылдын 7-апрелинде курман болгондордун элесине дагы бир ирет таазим!" — деп айтылат кайрылууда.Президент кыргыз элине ынтымак, мекенде тынчтык болушун каалап өткөн.
https://sputnik.kg/20210407/kyrgyzstan-revolyuciya-7-aprel-1052031479.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, кайрылуу, революция
кыргызстан, садыр жапаров, кайрылуу, революция
Анык баатырлар! Садыр Жапаров Апрель революциясына байланыштуу элге кайрылды
Президент 2010-жылдын 7-апрелинде курман болгондордун элесине таазим кылган.
БИШКЕК, 7-апр. — Sputnik. Мамлекет башчы
Садыр Жапаров Апрель элдик революциясынын кезектеги жылдыгына карата Кыргызстан элине кайрылуу жасады.
Президент ал окуянын натыйжасы мамлекеттин өнүгүүсүнө ишенимдүү кадам таштоо менен демократия принциптерин ишке ашыруу болгонун белгилеген.
"2010-жылдын 7-апрелинде Кыргызстандын келечеги үчүн эч нерседен тайманбаган эр-азаматтарыбыз коррупциялашкан бийликти кулатканы эсиңиздерде. Дегеле Аксы окуясы, Март жана Апрель элдик революциялары саясий жана тарыхый маанилүү окуялардан болуп калды. Дүйнө коомчулугу кыргыз эли жөнүндө көз карашын өзгөртүп, ар-намысы бийик, эркиндик менен акыйкатты сүйгөн эл катары таанып, баалай баштады. Апрель элдик революциясында кийинки муундардын жаркын жашоосу, бакубат турмушу үчүн өз өмүрүн арнаган жигиттерибиз — бүгүнкү мезгилдин анык баатырлары. Алардын ажалга тике караган эрдиги канча мезгил өтсө да элибиздин жүрөгүндө түбөлүккө сакталып, кылым карыткан Кыргызстандын тарыхында ысымдары алтын тамга менен жазылып калары талашсыз", — деп жазылат кайрылууда.
Мамлекет башчы эркиндик, акыйкаттык үчүн Апрель баатырларындай кара башын канжыгага байлоого даяр уул-кыздары турганда кыргыз эли адилеттүүлүккө болгон ишениминен эч качан ажырабай турганын кошумчалаган.
"Калкыбыздын аң-сезими өзгөрүп, өз тандоосунан тайбай жаркын келечекке багыт алды. Аксы окуясын, Март жана Апрель элдик революцияларын терең талдап, алардан сабак алып, элдин эркине каршы келген иш-аракеттерге жол бербейбиз. 2010-жылдын 7-апрелинде курман болгондордун элесине дагы бир ирет таазим!" — деп айтылат кайрылууда.
Президент кыргыз элине ынтымак, мекенде тынчтык болушун каалап өткөн.
