Казакбаев БАЭге визасыз режимге өтүүнү сунуштады. Көтөрүлгөн маселелер

© Фото / пресс-служба МИД КРКыргыз Республикасынын Тышкы иштер министри Руслан Казакбаевдин БАЭге расмий сапары
Кыргыз Республикасынын Тышкы иштер министри Руслан Казакбаевдин БАЭге расмий сапары - Sputnik Кыргызстан, 1920, 03.03.2022
Жазылуу
Yandex newsTelegram
ТИМ башчысы Абу-Даби шаарына расмий сапары менен барып, БАЭнин тышкы иштер жана эл аралык кызматташуу боюнча министрлигинин жетекчилиги менен жолукту.
БИШКЕК, 3-мар. — Sputnik. Кыргызстандын тышкы иштер министри Руслан Казакбаев Бириккен Араб Эмирлигинин бийлигине кыргызстандыктар үчүн визасыз режим киргизип берүү сунушу менен кайрылды.
Тышкы саясат ведомствосунун маалыматына караганда, бул тууралуу Казакбаевдин Абу-Даби шаарына расмий сапары учурунда сөз болду. Ал жактан министр БАЭнин тышкы иштер жана эл аралык кызматташуу боюнча министри, шейх Абдалла бин Заед Аль-Нахаян жана тышкы иштер, кызматташтык боюнча мамлекеттик министри Ахмад Али Аль-Сайег менен жолугушту.
Алар эки тараптуу кызматташууну күчөтүү жана соода мамилелерин мындан ары дагы жакшыртуу боюнча сүйлөштү.
Жолугушуудагы негизинен төмөнкүдөй сунуштар айтылды:
Казакбаев туризм, айыл чарбасы, энергетика, кен байлыктарды иштетүү жана кыргызстандыктарды жеткиликтүү турак жай менен камсыз кылуу үчүн ипотекалык кредит жаатында кызматташуу үчүн кыргыз-эмират биргелешкен инвестициялык фондун түзүүнү сунуштады;
тараптар келечекте жүргүнчү жана жүк ташуу боюнча авиакаттамдарды көбөйтүү тууралуу сүйлөштү;
Казакбаев жашыл экономика, айлана-чөйрөнү коргоо жана климат жаатында биргелешкен долбоорлорду ишке ашырууга аракет кылууну сунуштады;
кыргыз тарап Кыргызстан менен БАЭнин соттолгон жарандарды өткөрүп берүү боюнча буга чейинки келишимди ратификациялоону ылдамдатууну суранды;
БАЭнин аймагында иштеп жүргөн кыргызстандыктардын саны көп экенине байланыштуу Казакбаев алардын иш шартын жакшыртууну өтүнүп, ошондой эле визасыз режимге өтүү сунушун айтты;
Кыргызстанда араб маданияты борборлорун, окуу жайларды ачуу мүмкүнчүлүгү талкууланды;
Кыргызстан БАЭден коррупция жана эл аралык террорчулукка каршы күрөшүү боюнча тажрыйба алууну көздөйт.
Жыйынтыгында тараптар саясий консультация өткөрүү жана эки өлкөнүн тышкы иштер ведомстволорунун ортосунда кызматташтыкты күчөтүү боюнча протоколго кол коюшту.
Аравиялык Air Arabia авиакомпаниясы. Архивдик сүрөт - Sputnik Кыргызстан, 1920, 26.02.2022
Air Arabia жайкысын Ысык-Көлгө катташы мүмкүн
Жаңылыктар түрмөгү
0