Бишкек шаарына жаңы мэр дайындалды

© Sputnik / Таалайгуль УсенбаеваБишкек шаарынын мэри болуп дайындалган Эмилбек Абдыкадыров. Архив
Бишкек шаарынын мэри болуп дайындалган Эмилбек Абдыкадыров. Архив - Sputnik Кыргызстан, 1920, 24.02.2022
Жазылуу
Yandex newsTelegram
Абдыкадыров Бишкек мэриясынын системасында 30 жылдан ашык иштеп, үч жолу шаардык кеңештин депутаты, вице-мэр болуп эмгектенген.
БИШКЕК, 24-фев. — Sputnik. Эмилбек Абдыкадыров Бишкек шаарынын мэри болуп дайындалды. Бул тууралуу президенттин маалымат кызматы кабарлады.
Аталган жарлыкка мамлекет башчы Садыр Жапаров кол койгон. Калааны буга чейин башкарып келген Айбек Жунушалиев президенттин жарлыгы менен президенттин администрациясынын жана министрлер кабинетинин чечимдерин аткарууну контролдоо башкармалыгынын начальниги болуп дайындалды.
Эмилбек Абдыкадыров Бишкек мэриясынын системасында 30 жылдан ашык иштеп, үч жолу шаардык кеңештин депутаты, вице-мэр болуп эмгектенген. Курулуш агенттигинде жетекчинин орун басары болуп да иштеген. Өзүнүн курулуш компаниясы бар.
Буга чейин Абдыкадыров кытайлык инвестор менен Ат-Башы районунун аймагына логистикалык-соода-өндүрүш борборун курууга белсенген. Бирок жергиликтүү калк каршы болуп, долбоор ишке ашпай калган.
Бир кыз, эки уулдун атасы.
Кийим илгич. Архивдик сүрөт - Sputnik Кыргызстан, 1920, 23.02.2022
Жапаров: жогорку кызматта тургандардан тарта молдолорго чейин ротацияланат
Жаңылыктар түрмөгү
0