Жапаров: жогорку кызматта тургандардан тарта молдолорго чейин ротацияланат

© Sputnik / Владимир Федоренко / Фотобанкка өтүүКийим илгич. Архивдик сүрөт
Кийим илгич. Архивдик сүрөт - Sputnik Кыргызстан, 1920, 23.02.2022
Жазылуу
Yandex newsTelegram
Буга чейин райондук администрациялардын башчылары аймактарга алмаштырылган.
БИШКЕК, 23-фев. — Sputnik. Райондордун акимдеринен тышкары жогорку кызматта тургандардан тарта молдолорго чейин ротацияланат. Бул тууралуу министрлер кабинетинин төрагасы Акылбек Жапаров Баткендеги көчмө жыйында билдирди.
Ал буга чейин райондук администрациялардын башчылары аймактарга алмаштырылганын белгиледи.
"Лейлектен Кочкорго аким барган, эл тынчып эле отурат, бир дагы арыз жок. Районго ошол жактан өскөн баланы коюп койсо аны эч ким укпайт экен. Жакынкы арада президенттин тапшырмасы менен акимдерди эле эмес, андан кийинки чоңдорду да ротация кылалы деп жатабыз. Кийинчерээк үйлөр курулгандан кийин мектеп директорлорун ротация кылабыз. Мен молдолорду да ротация кылууну сунуштап атам", — деди министрлер кабинетинин башчысы.
Ошондой эле Жапаров Баткендеги студенттерге аймактагы университеттен тышкары Ош жана Бишкектеги окуу жайлардан да билим алуусуна шарт түзүлүш керектигин кошумчалаган.
Портфель кармаган киши. Архивдик сүрөт - Sputnik Кыргызстан, 1920, 25.12.2021
Садыр Жапаров акимдерди ротациялоо уланарын айтты
Жаңылыктар түрмөгү
0