Окумуштуулар өмүрдү 10 жылга узартуунун жолун айтып беришти

© Фото / Pexels / Maarten van den HeuvelКишилер тамак жасоо учурунда. Иллюстративдик сүрөт
Кишилер тамак жасоо учурунда. Иллюстративдик сүрөт - Sputnik Кыргызстан, 1920, 13.02.2022
Жазылуу
Yandex newsTelegram
Адистер изилдөөдө тамактануудагы өзгөрүүлөрдүн ден соолукка жана жашоонун узактыгына тийгизген таасирин карап чыгышкан.
БИШКЕК, 13-фев. — Sputnik. Туура тамактанууга өтүү жашоону 10 жылга узарта алат. Бул тууралуу Берген университетинин (Норвегия) окумуштуулары билдиргенин PLOS Medicine журналы жазды.
Алар жаш курагы өтө жогорулай элек миңдеген эркектер жана аялдар катышкан ири изилдөөнүн жыйынтыгын анализдешкен. Окумуштуулар тамактануудагы өзгөрүүлөрдүн ден соолукка жана жашоонун узактыгына тийгизген таасирин тыкыр карап чыгышкан.
Натыйжада окумуштуулар майлуу жана туздуу тамактардан, малдын этинен, кайра иштетилген тамактардан жана таттуудан баш тартуу керектигин айткан. Алардын ордуна буурчак өсүмдүктөрүн, жашылча, мөмө-жемишти, дан азыктарын, жаңгакты пайдалануу өмүрдү орточо эсеп менен алганда 10 жылга узарта аларын билдиришкен.
Окумуштуулар негизи эле витаминдер жана организимге керектүү болгон микроэлементтер камтылган тамактануу эрежесине тезирээк өтүү керектигин белгилешкен.
Супермаркетте жашылча сатуу. Архив - Sputnik Кыргызстан, 1920, 12.02.2022
Диетолог өпкөгө эң пайдалуу азыкты атады
Жаңылыктар түрмөгү
0