https://sputnik.kg/20220211/kyrgyzstan-abzhaliev-karmak-aryz-uulu-onoktosh-aryz-zhazuu-1061976434.html
Адвокат: экс-депутат Абжалиевге каршы арызды уулунун өнөктөшү жазган
Адвокат: экс-депутат Абжалиевге каршы арызды уулунун өнөктөшү жазган
Sputnik Кыргызстан
2018-жылы Токобеков менен Жармухамедов теңме-тең акча чыгарып, курулуш тармагындагы бизнести чогуу башташкан. 11.02.2022, Sputnik Кыргызстан
2022-02-11T17:29+0600
2022-02-11T17:29+0600
2022-02-11T17:29+0600
кыргызстан
саясат
алдамчылык
кылмыш
адвокат
алиярбек абжалиев
https://sputnik.kg/img/101975/77/1019757726_0:0:4500:2532_1920x0_80_0_0_efd6d98b5f806a638fa122974284d530.jpg
БИШКЕК, 11-фев. — Sputnik. Экс-депутат Алиярбек Абжалиевге анын уулу Темирлан Токобековдун мурдагы бизнес өнөктөшү жазган арыздын негизинде иш козголду. Бул тууралуу Sputnik агенттигине адвокат Жибек Ажибекова билдирди.Анын айтымында, Абжалиевге каршы арызды Сухраб Жармухамедов аттуу жаран жазган.Маалыматка караганда, 2018-жылы Токобеков менен Жармухамедов теңме-тең акча чыгарып, курулуш тармагында бизнести чогуу башташкан.Адвокат белгилегендей, Токобеков 1,5 жылдан бери өзүнүн үлүшү үчүн акчаны ала албай келет. Ал маселе тынчтык жолу менен чечилерине ишенгендиктен укук коргоо органдарына кайрылбай жүргөнү айтылды."Токобеков менен Жармухамедовдун ортосундагы бизнес мыйзамдын чегинде көзөмөлдөнүп турган. Алардын ортосунда бирдиктүү бизнестеги үлүштү сатуу боюнча келишим түзүлгөн. Жармухамедовго карата коркутуу-үркүтүү болгон эмес. Абжалиев Жармухамедовдон эч кандай каражат алган эмес. Карызкор Жармухамедов жалган жалаа жабуу менен укук коргоо органдарына кайрылып, карызды төлөө милдетинен качкысы келип жатат", — деди жактоочу Ажибекова.Белгилей кетсек, бүгүн, 11-февралда, экс-президент Сооронбай Жээнбековдун кудасы, мурдагы депутат Алиярбек Абжалиевдин кармалганы айтылды. УКМКнын маалыматына караганда, укук коргоочуларга ишкер кайрылып, А.А. ЖКда депутат болуп турган кезде ага 2 миллион доллар зыян келтиргенин билдирген. Текшерүүнүн жыйынтыгында арыз ээсинин жүйөлөрү тастыкталганы кабарланган.
https://sputnik.kg/20220210/osh-oorulardy-aldyn-aluu-zhetekchi-karmaldy-1061954555.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, саясат, алдамчылык, кылмыш, адвокат, алиярбек абжалиев
кыргызстан, саясат, алдамчылык, кылмыш, адвокат, алиярбек абжалиев
Адвокат: экс-депутат Абжалиевге каршы арызды уулунун өнөктөшү жазган
2018-жылы Токобеков менен Жармухамедов теңме-тең акча чыгарып, курулуш тармагындагы бизнести чогуу башташкан.
БИШКЕК, 11-фев. — Sputnik. Экс-депутат
Алиярбек Абжалиевге анын уулу Темирлан Токобековдун мурдагы бизнес өнөктөшү жазган арыздын негизинде иш козголду. Бул тууралуу Sputnik агенттигине адвокат Жибек Ажибекова билдирди.
Анын айтымында, Абжалиевге каршы арызды Сухраб Жармухамедов аттуу жаран жазган.
Маалыматка караганда, 2018-жылы Токобеков менен Жармухамедов теңме-тең акча чыгарып, курулуш тармагында бизнести чогуу башташкан.
"Токобеков инвестиция салып түптөөчү гана болгон. Ал эми факт жүзүндө ишеним мамиленин негизинде бизнести Жармухамедов жүргүзгөн. Үч жыл аралыгында бир нече объект курулган. Бирок кийинчерээк депутаттын уулу бизнестен чыкмак болгон. Мындан улам Жармухамедов анын үлүшүн бөлүп төлөө жолу менен алууну сунуштаган. 2020-жылы тийиштүү келишим түзүлүп, нотариус менен бекитилген", — деди Ажибекова.
Адвокат белгилегендей, Токобеков 1,5 жылдан бери өзүнүн үлүшү үчүн акчаны ала албай келет. Ал маселе тынчтык жолу менен чечилерине ишенгендиктен укук коргоо органдарына кайрылбай жүргөнү айтылды.
"Токобеков менен Жармухамедовдун ортосундагы бизнес мыйзамдын чегинде көзөмөлдөнүп турган. Алардын ортосунда бирдиктүү бизнестеги үлүштү сатуу боюнча келишим түзүлгөн. Жармухамедовго карата коркутуу-үркүтүү болгон эмес. Абжалиев Жармухамедовдон эч кандай каражат алган эмес. Карызкор Жармухамедов жалган жалаа жабуу менен укук коргоо органдарына кайрылып, карызды төлөө милдетинен качкысы келип жатат", — деди жактоочу Ажибекова.
Белгилей кетсек, бүгүн, 11-февралда, экс-президент Сооронбай Жээнбековдун кудасы, мурдагы депутат Алиярбек Абжалиевдин кармалганы айтылды. УКМКнын маалыматына караганда, укук коргоочуларга ишкер кайрылып, А.А. ЖКда депутат болуп турган кезде ага 2 миллион доллар зыян келтиргенин билдирген. Текшерүүнүн жыйынтыгында арыз ээсинин жүйөлөрү
тастыкталганы кабарланган.
10 Бирдин айы 2022, 19:36
