Радиостудия Sputnik Кыргызстан в Бишкеке - Sputnik Кыргызстан, 1920
Радио

Жумаев: быйыл Каракол шаарында 13 эл аралык иш-чара өтөт

© Sputnik / Асель СыдыковаКаракол шаарынын мэри Эрмат Жумаев
Каракол шаарынын мэри Эрмат Жумаев - Sputnik Кыргызстан, 1920, 18.01.2022
Жазылуу
Каракол шаарынын мэри Эрмат Жумаев быйыл шаардын тарыхын чагылдырган маданий, спорттук, илимий, жаштар ишине багытталган 13 эл аралык иш-чара пландалып жаткандыгын айтты.
Каракол шаары 2022-жылы КМШ мамлекеттеринин маданий борбору катары таанылышы шаардын туристтик потенциалын дагы жогорулатып, чет өлкөлүктөрдү кызыктырат. Бул тууралуу Эрмат Жумаев Sputnik Кыргызстан радиосунда маек куруп жатып билдирди.
Жумаев: быйыл Каракол шаарында 13 эл аралык иш-чара өтөт
Анын айтымында, жаштардын илим, билимге умтулуусун көздөгөн долбоорлорго басым жасалып, өкмөт менен тыгыз байланышта иш жүрүүдө.
"Каракол шаары 2022-жылы КМШ мамлекеттеринин маданий борбору деп аталышы борбордун мүмкүнчүлүктөрүн кеңейтип, туризм потенциалын арттырат. Быйыл шаардын тарыхын чагылдырган маданий, спорттук, илимий, жаштар ишине багытталган 13 эл аралык иш-чара пландалууда. Каракол туризмдин чордону болгондуктан, буга дагы байланышкан бир катар иш-чаралар каралып жатат. Учурда шаарды таанытуу максатында видеороликтер даярдалып, аны жеке бизде гана эмес, КМШ өлкөлөрүнүн жалпыга маалымдоо каражаттары аркылуу да жайылтуу мерчемделүүдө. Аткарыла турчу иштер маданий борбор макамына гана арналып өткөрүлбөстөн, алар кийинки жылдары да шаардын өнүгүүсүнө багытталат", — деди Жумаев.
Ошондой эле мэр шаарда туристтер үчүн маалымат борборлору түзүлүп, жергиликтүү жана чет элдик меймандар бардык нерседен кабардар болуп турарын кошумчалады.
Жаңылыктар түрмөгү
0