Дагы кымбаттады! Автоунаа базарындагы баа кандай өзгөрдү

Жазылуу
Sputnik Кыргызстан автоунаалардын базардагы баасына баам салып, майды аз ичкен машиналардын орточо наркы кандай өзгөргөнүн билип көрдү.
Мониторинг 2021-жылдын декабрь айында жана 2022-жылдын январында autobaza.kg, cars.kg, turbo.kg жана mashina.kg ресурстарында көрсөтүлгөн баалардын негизинде жүргүзүлгөн.
Эң көп сатылган 10 автоунаа:
Daewoo Matiz;
Honda Fit;
Lada 2107;
Toyota IST;
Hyundai Getz;
Volkswagen Golf;
Mazda Demio;
Chevrolet Spark;
Honda Civic;
Toyota Prius.
Дээрлик бардык автоунаалар 200дөн 1 000 долларга чейин кымбаттаган. Кээ бири, тескерисинче, бир аз болсо да арзандаган. Анткен менен муну жалпы тенденция катары эмес, чанда кездешкен учур катары кароо керек.
Сатуучулар менен адистердин пикиринде, баалар мындан ары дагы өсөт. Эксперт Эльдар Абакировдун айтымында, буга акчанын кунунун түшүп кетиши себеп.
"Акчанын куну түштү. Буга байланыштуу бардык жакта баалар өсүп жатат", — деди эксперт.
Чет өлкөдөн машина ташыган компаниянын ээси Данияр Салякаев автоунаа арзандайт деп үмүт артпаш керектигин белгиледи.
"Учурда бардык нерсе кымбаттап жатат. Мындай учурда машиналар арзандабайт. Бул реалдуулук. Жакшы унаа алыш үчүн көпкө акча топтоого туура келет", — деди ал.
Социалдык-саясий изилдөө жүргүзгөн "Элчи" борборунун директору Денис Бердаковдун айтымында, баалардын өсүшүнө автоунаа чыгарган ири ишканалардын кризиске учураганы түздөн-түз таасир этүүдө.
Кыргызстандын рыногундагы баага өлкөгө чет мамлекеттен машиналардын массалык түрдө ташылбай калганы да себепкер болду.
Тема боюнча:
Эң өтүмдүү 10 минивэн менен универсал. Унаа базарындагы баасы
Бишкекте батирлердин ижара акысы кымбаттады. Инфографика
Бишкекте "элитка" үйлөр арзандады. Кыймылсыз мүлктүн бааларына саресеп
Жаңылыктар түрмөгү
0