Бишкекте "элитка" үйлөр арзандады. Кыймылсыз мүлктүн бааларына саресеп
Жазылуу
Борбор калаада ичин өзү жасап ала турган бир жана эки бөлмөлүү "элиталык" үйлөр арзандады. Жеке типтеги үч бөлмөлүү батирлердин да наркы төмөндөгөн. Кыймылсыз мүлк базарында баалар кандай болуп жатканын Sputnik Кыргызстандын инфографикасынан караңыздар.
Sputnik Кыргызстан ай сайын ачык маалымат булактар аркылуу Бишкектеги батирлердин баасына көз жүгүртүп, өткөн ай менен салыштырып турат. Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо наркын көрсөтүп беребиз.
Бул ирет баалар 2021-жылдын башында жана аягында кандай өзгөргөнүнө анализ жүргүздүк. Материалды даярдоодо 1 072 жарнамага талдоо жасалды.
Ага таянып жыл башынан бери көпчүлүк батирлер 500дөн 2000 долларга чейин кымбаттаган. Көбүнчө 104 жана 105-сериядагы эки бөлмөлүү үйлөр орто эсеп менен 2000 долларга өскөн. Ал эми бардык типтеги "хрущевкалар" орто эсеп менен миң долларга кымбаттаган.
Ичин өзү жасап алууга ылайыкталган эки жана бир бөлмөлүү үйлөр эки миң долларга арзандаган. Ошол эле учурда үч бөлмөлүүлөр 1 800 долларга кымбаттаган.
Ачык маалымат булактарына таянсак, декабрь айында Бишкектеги бир бөлмөлүү батирлердин баасы төмөнкүдөй болду:
104-серия — 32 100 доллар (20 500дөн 35 300гө чейин);
105-серия — 30 700 (20 900дөн 37 500гө чейин);
106-серия — 32 600 (22 000дөн 41 000ге чейин);
"хрущевка" — 27 200 (22 500дөн 33 500гө чейин).
Бир бөлмөлүү "элитка" тибиндеги батирлердин орточо баасы:
жеке типтегилери (41ден 99 чарчы метрге чейин) — 43 500 (27 000ден 82 600гө чейин);
өзү жасап ала тургандары (49дан 94 чарчы метрге чейин) — 46 800 (21 500дөн 125 000ге чейин).
эки бөлмөлүү батирлердин орточо баасы:
104-серия — 45 800 доллар (36 900дөн 76 000ге чейин);
105-серия — 55 000 (34 000ден 76 500гө чейин);
106-серия — 58 400 (39 800дөн 72 000ге чейин);
"хрущевка" — 39 600 (31 500дөн 42 500гө чейин).
Эки бөлмөлүү "элитка" тибиндеги батирлердин орточо баасы:
жеке типтегилери (41ден 99 чарчы метрге чейин) — 43 500 (27 000ден 82 600гө чейин);
өзү жасап ала тургандары (49дан 94 чарчы метрге чейин) — 46 800 (21 500дөн 125 000ге чейин).
Үч бөлмөлүү "элитка" тибиндеги батирлердин орточо баасы:
жеке типтегилери (46дан 160 чарчы метрге чейин) — 58 000 (38 000ден 155 000ге чейин);
өзү жасап ала тургандары (75тен 125 чарчы метрге чейин) — 73 800 (40 500дөн 123 000ге чейин).
По теме:
